ବନ୍ତ,୨୯।୭(ଡି.ଏନ୍.ଏ.): ପ୍ରଶାସନ ଉପରୁ ଭରସା ତୁଟାଇ ଶେଷରେ ଭଦ୍ରକ ଜିଲା ବନ୍ତ ବ୍ଲକ ନିଳୋକ ପଞ୍ଚାୟତ ଘରପଦା ଗ୍ରାମବାସୀଙ୍କ ସମେତ ଜାଗୁଳାଇ ୟୁଥ୍ କ୍ଲବର ସଭ୍ୟମାନେ ମିଳିତ ଭାବେ ପୋତି ହୋଇ ପଡ଼ିଥିବା ଏକ ନାଳକୁ ସଫା କରିଛନ୍ତି।
ଗତ ୩ ବର୍ଷ ଧରି ପଧାନପଡା ବାହାଳୀରୁ ବିଞ୍ଝା-ଦୋଳପଦୀ ବାହାଳୀ ପର୍ଯ୍ୟନ୍ତ ପଶ୍ଚିମରୁ ପୂର୍ବକୁ ଲମ୍ବିଥିବା ଜଳ ନିଷ୍କାସନ ନାଳଟି ପୋତି ହୋଇପଡ଼ିଥିବାରୁ ଉକ୍ତ ଅଞ୍ଚଳର ପ୍ରାୟ ୩ ଶହ ଏକର ଚାଷ ଜମି ଜଳମଗ୍ନ ହୋଇ ଫସଲ ହାନି ହୋଇଆସୁଛି। ଏନେଇ ବିଭିନ୍ନ ସମୟରେ ଗ୍ରାମବାସୀ ବିଭାଗୀୟ ଅଧିକାରୀଙ୍କଠାରେ ଅଭିଯୋଗ କରିଆସୁଥିଲେ ମଧ୍ୟ କେହି କର୍ଣ୍ଣପାତ କରୁନାହାନ୍ତି। ଶେଷରେ ଗ୍ରାମବାସୀ, ୟୁଥ୍ କ୍ଲବର ସଦସ୍ୟମାନେ ଅକ୍ଳାନ୍ତ ପରିଶ୍ରମ କରି ପୋତି ହୋଇପଡ଼ିଥିବା ଏହି ନାଳର ପୁନରୁଦ୍ଧାର କରିଛନ୍ତି ା ଏହି ସଫେଇ କାର୍ଯ୍ୟ ୪ ଦିନ ଧରି ଚାଲିଥିବା ବେଳେ ପ୍ରାୟ ୫୦ରୁ ୬୦ ଜଣ ଲୋକ ନିୟୋଜିତ ହୋଇଥିଲେ। ଏଥିପାଇଁ ହୋଇଥିବା ଖର୍ଚ୍ଚ ଗ୍ରାମବାସୀ ବହନ କରିଥିଲେ। ଏହି ସଫେଇ କାର୍ଯ୍ୟ ଅସ୍ଥାୟୀ ଭାବେ କରାଯାଇଥିବା ବେଳେ ସ୍ଥାୟୀ ସମାଧାନ ନିମନ୍ତେ ପ୍ରଶାସନ ପଦକ୍ଷେପ ଗ୍ରହଣ କରିବା ପାଇଁ ଗ୍ରାମବାସୀ ଦାବି କରିଛନ୍ତି ା ସେହିପରି ଉକ୍ତ ନାଳ ଉପରେ ଯାତାୟାତ କରିବା ପାଇଁ ପୋଲର ବ୍ୟବସ୍ଥା କରିବାକୁ ସେମାନେ ଦାବି କରିଛନ୍ତି ା ଏ ସମ୍ପର୍କରେ ଭଦ୍ରକ ଡ୍ରେନେଜ୍ ବିଭାଗ କନିଷ୍ଠ ଯନ୍ତ୍ରୀ ଶଙ୍କର୍ଷଣ ମଣ୍ଡଳଙ୍କୁ ପଚାରିବାରୁ ବର୍ତ୍ତମାନ ନାଳରେ ପାଣି ଥିବାରୁ କାମ ଠିକ୍ ଭାବେ ହୋଇପାରିବ ନାହିଁ ା ଆସନ୍ତା ସିଜିନ୍ରେ କାର୍ଯ୍ୟ କରାଯିବ ବୋଲି କହିଥିଲେ ା
