ଲଣ୍ଡନ, ୩୦ା୫ (ଏଏଫ୍ପି):ଆର୍ଥିକ ସଙ୍କଟ ଦୃଷ୍ଟିରୁ ଓ୍ବିଲିୟମ୍ସ ଏହାର ଫର୍ମୁଲା ଓ୍ବାନ୍ ଟିମ୍ ବିକ୍ରି କରିବା ଲାଗି ବିଚାର କରୁଛି। ୨୦୧୯ ବର୍ଷ ଶେଷରେ ଓ୍ବିଲିୟମ ଗ୍ରାଁପ୍ରି ହୋଲ୍ଡିଙ୍ଗ୍ସ ଗ୍ରୁପ୍ ୧୩ ନିୟୁତ ପାଉଣ୍ଡ(୧୫.୯ ନିୟୁତ)ଆମେରିକୀୟ ଡଲାର କ୍ଷତି ସହିଛି। କମ୍ପାନୀ କିନ୍ତୁ ୨୦୧୮ରେ ୧୨.୯ ନିୟୁତ ପାଉଣ୍ଡ ଲାଭ କରିଥିଲା। ଆର୍ଥତ୍କ ସଙ୍କଟକୁ ସୁଧାରିବା ଲାଗି କମ୍ପାନୀ ପୁଞ୍ଜି ଖଟାଇବା ଲାଗି ନିବେଶକାରୀଙ୍କୁ ଆହ୍ବାନ କରିଛି। ବ୍ରିଟେନର ଏହି କମ୍ପାନୀକୁ ଯଦିଓ ଏପର୍ଯ୍ୟନ୍ତ କେହି ଆପ୍ରୋଚ୍ କରିନାହାନ୍ତି କେତେକ ସମ୍ଭାବ୍ୟ ନିବେଶକାରୀଙ୍କ ସହିତ ଏହି ପ୍ରସଙ୍ଗରେ ପ୍ରାଥମିକ ଆଲୋଚନା ହୋଇଛି। ଆର୍ଥିକ ଅବସ୍ଥାରେ ସୁଧାର ଆସିଲେ କରୋନା ଭାଇରସ ସଙ୍କଟ ଦୂରେଇ ଯିବା ପରେ ଓ୍ବିଲିୟମ୍ସ ଫର୍ମୁଲା ଓ୍ବାନ ଗ୍ରୀଡ଼୍ରେ ନିଜ ସ୍ଥାନ ପୁଣି ଜମାଇବ।
