ଭୁବନେଶ୍ୱର,୨୨ା୬: ମହିନ୍ଦ୍ରା ଗ୍ରୁପର ଇ-ଯାନ ନିର୍ମାଣକାରୀ କମ୍ପାନୀ ମହିନ୍ଦ୍ରା ଇଲେକଟ୍ରିକ ମୋବିଲିଟି ଲିମିଟେଡ୍ ପକ୍ଷରୁ ନୂଆ ୩ ଚକିଆ ଇ-ଯାନ ରେଞ୍ଜକୁ ବଜାର ପ୍ରବେଶ କରାଯାଇଛି। ଏହି ରେଞ୍ଜରେ ଟ୍ରିଓ ଏବଂ ଟ୍ରିଓ ୟାରୀ ଭଳି ମଡେଲ ରହିଛି। ଏହି ମଡେଲଗୁଡିକୁ କମ୍ପାନୀ ଓଡିଶାର ଭୁବନେଶ୍ୱର ଏବଂ ବାଲେଶ୍ୱର ଭଳି ସହରରେ ପ୍ରାଥମିକ ପର୍ଯ୍ୟାୟରେ ଉପଲବ୍ଧ କରାଇବ। ଟ୍ରିଓ(ସେମି ହାର୍ଡ ଟପ୍)ର ବଜାର ଦର ୨.୯୭ ଲକ୍ଷ ଟଙ୍କା ରହିଥିବା ବେଳେ ଟ୍ରିଓ ୟାରୀ (ସେମି ହାର୍ଡ ଟପ୍)ର ମୂଲ୍ୟ ୧.୯୧ ଲକ୍ଷ ଟଙ୍କା ରହିଛି। ଦେଶର ୩ ହ୍ବିଲର ପ୍ଲାଟଫର୍ମରେ ପ୍ରଥମଥର ଲାଗି ଟ୍ରିଓ ମଡେଲରେ ଲିଥିୟମ୍ ଆୟନ ବ୍ୟାଟେରୀ ସଂଯୋଗ କରାଯାଇଛି। ଏହାକୁ ବ୍ୟକ୍ତିଗତ, ଫ୍ଲିଟ ଓନର, ଆନୁଷ୍ଠାନିକ କାର୍ଯ୍ୟ ପାଇଁ ଗ୍ରାହକ ବ୍ୟବହାର କରିପାରିବେ। ଏଥିରେ ଗ୍ରାହକ ସର୍ବୋତ୍ତମ ମୂଲ୍ୟ ଲାଭ କରିବାକୁ ସକ୍ଷମ ହେବେ। ଏହି ମଡେଲଗୁଡିକରେ ପରିଚାଳନା ଖର୍ଚ୍ଚ ମଧ୍ୟ କମ୍ ରହିବ। କିମି ପିଛା ୫୦ ପଇସା ରନିଙ୍ଗ କଷ୍ଟ ଲାଗିବ। ଏହାବାଦ ସହଜ ଚାର୍ଜିଂ, ନିରାପତ୍ତା, ସ୍ମାର୍ଟ ଚଏସ୍ ଏଥିରେ ଗ୍ରାହକମାନେ ଲାଭ କରିପାରିବେ। ନ୍ୟୁନତମ ପରିଚାଳନା ଖର୍ଚ୍ଚ ଯୋଗୁ ଗ୍ରାହକ ଏହା ଦ୍ୱାରା ଅଧିକ ସଞ୍ଚୟ କରିପାରିବେ ବୋଲି ଯାନର ବଜାର ପ୍ରବେଶ ଅବସରରେ ମହିନ୍ଦ୍ରା ଇଲେକଟ୍ରିକର ସିଇଓ ମହେଶ ବାବୁ କହିଛନ୍ତି।
