ମୁମ୍ବାଇ: ବଲିଉଡ୍ ନାୟିକା କରିନା କପୁର ଖାଁ ବେବୋ ନାଁରେ ବେଶ୍ ପରିଚିତ। ତାଙ୍କ ଅଭିନୟକୁ ନେଇ ସେ ଯେତିକି ଚର୍ଚ୍ଚିତ ତାଙ୍କ ପର୍ସନାଲ ଲାଇଫକୁ ନେଇ ମଧ୍ୟ ସେ ସେତିକି ଚର୍ଚ୍ଚିତ। ନିକଟରେ ଏକ ସାକ୍ଷାତ୍କାରରେ କରିନା କହିଛନ୍ତି, ଅଭିନୟ ପାଇଁ ସେ ଜନ୍ମ ହୋଇଛନ୍ତି ଆଉ ବଞ୍ଚିଥିବା ପର୍ଯ୍ୟନ୍ତ ଅଭିନୟ କରିବେ। ଏମିତିରେ ତ ସେ କଳାକାର ପରିବାରରେ ଜନ୍ମ। ଆଉ କଳାକାର ପରିବାରର ପିଲା ହୋଇ ଅଭିନୟକୁ ଛାଡିପାରିବେ ବା କିପରି। ପ୍ରଥମେ ଅଭିଶେକ ବଚ୍ଚନଙ୍କ ବିପକ୍ଷର ନାୟିକା ସାଜି ଫିଲ୍ମ ‘ରିଫ୍ୟୁଜି’ରେ ପ୍ରଥମେ ଦର୍ଶକଙ୍କ ଦୃଷ୍ଟି ଆକର୍ଷଣ କରିଥିଲେ ଏହି ନାୟିକା। ଏହାପରେ ‘ଉଡ୍ତା ପଞ୍ଜାବ’, ‘ବିରେ ଦି ଓ୍ବେଡିଙ୍ଗ’, ‘ଚମେଲି’, ‘ଅଶୋକା’ ଭଳି ହିଟ୍ ଫିଲ୍ମ ଦର୍ଶକଙ୍କୁ ଭେଟିଦେଇ ବିଟାଉନ୍ରେ ସେ ନିଜପାଇଁ ସୃଷ୍ଟି କରିଛନ୍ତି ଏକ ସ୍ବତନ୍ତ୍ର ପରିଚୟ।
