ପୁରୀ ଅଫିସ, ୧୩।୧୦: ଶ୍ରୀମନ୍ଦିର ବଡ଼ୁ ସୁଆର ନିଯୋଗର କର୍ମକର୍ତ୍ତା ନିର୍ବାଚନ ଶୁକ୍ରବାର ରାତିରେ ଅନୁଷ୍ଠିତ ହୋଇଯାଇଛି। ଏଥିରେ ସର୍ବସମ୍ମତିକ୍ରମେ ବିଶ୍ୱନାଥ ସାମନ୍ତରା ସଭାପତି, ଅନନ୍ତ ତିଆଡ଼ି ସମ୍ପାଦକ ଭାବେ ମନୋନୀତ ହୋଇଛନ୍ତି। ଅନ୍ୟମାନଙ୍କ ମଧ୍ୟରେ ଭବାନୀଶଙ୍କର ସାମନ୍ତରା କୋଷାଧ୍ୟକ୍ଷ ଏବଂ ଗୋପୀନାଥ ସୁଆର ଓ ଶାମ ତିଆଡ଼ି ଉପଦେଷ୍ଟା ଭାବେ ମନୋନୀତ ହୋଇଥିବା ସଭାପତି ବିଶ୍ୱନାଥ ସାମନ୍ତରା ଜଣାଇଛନ୍ତି। ସୂଚନାଥାଉ କି, ପୂର୍ବରୁ ଦଇତାପତି ନିଯୋଗ, ସୁଆର ମହାସୁଆର ନିଯୋଗ ସମେତ ଅନ୍ୟ କେତେକ ନିଯୋଗ ନିର୍ବାଚନ ମଧ୍ୟ ଅନୁଷ୍ଠିତ ହୋଇଯାଇଛି। ଆଗକୁ ମଧ୍ୟ ଆଉ କେତେକ ନିଯୋଗର ନିର୍ବାଚନ ହେବାର କାର୍ଯ୍ୟକ୍ରମ ରହିଛି।
