ରାଇରଙ୍ଗପୁର,୨୮ା୪(ଡି.ଏନ୍.ଏ.)- ବନ କର୍ମଚାରୀଙ୍କୁ ଆକ୍ରମଣ ଘଟଣାରେ ରବିବାର ବିଶୋଇ ଥାନା ପୋଲିସ ୯ ଜଣ କାଠ ଚୋରଙ୍କୁ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ଆଲପାଣି ଗ୍ରାମ ବଡ଼ଗୁଣ ବସ୍ତି ଅଞ୍ଚଳର ଗୋବିନ୍ଦ ଦାସ, ଲକ୍ଷ୍ମଣ ଦେହୁରୀ, ପୁରୁଷୋତ୍ତମ ଦେହୁରୀ, ପୀତବାସ ଦାସ, ଅନାଦି ଦେହୁରୀ, ପ୍ରଦୀପ କୁମାର ପାତ୍ର, ଯୋଗେଶ୍ୱର ଦେହୁରୀ, ସୁଦର୍ଶନ ଦେହୁରୀ ଓ ଦୁର୍ଯ୍ୟାଧନ ଦେହୁରୀ। ଲକଡାଉନର ସୁଯୋଗ ନେଇ ଏହି କାଠଚୋରମାନେ ଶିମିଳିପାଳ ଅଭୟାରଣ୍ୟ ପାର୍ଶ୍ୱ ତାଳବନ୍ଧ ରେଞ୍ଜ ଅଞ୍ଚଳରୁ କାଠ କାଟୁଥିଲେ। ଖବରପାଇ ଚଢାଉ କରିଥିବା ବନ କର୍ମଚାରୀମାନଙ୍କୁ ସେମାନେ ଆକ୍ରମଣ କରି ଫେରାର ହୋଇ ଯାଇଥିଲେ। ରେଞ୍ଜ ଅଧିକାରୀ ମଧୁସ୍ମିିତା ଦାସଙ୍କ ଅଭିଯୋଗ କ୍ରମେ ବିଶୋଇ ଥାନାରେ ଏକ ମାମଲା(ନଂ.୩୬/୨୦୨୦) ରୁଜୁ ହୋଇଥିଲା।
