ଗଞ୍ଜାମ,୧୧ା୫(ଡି.ଏନ୍.ଏ.) : ଗଞ୍ଜାମ ଜିଲାରେ କରୋନା ପଜିଟିଭ୍ଙ୍କ ସଂଖ୍ୟା ଦିନକୁ ଦିନ ଦ୍ରୁତଗତିରେ ବଢ଼ିଚାଲିଛି। ବିଶେଷକରି ସୁରଟରୁ ପ୍ରବାସୀ ଓଡ଼ିଆମାନେ ଫେରିବା ପରେ ଏହି ସମସ୍ୟା ଦେଖାଦେଇଛି। ଏହି ଜିଲା ବାଦପଲ୍ଲୀ ସେବାଶ୍ରମ କ୍ୱାରାଣ୍ଟାଇନ୍ ସେଣ୍ଟରରେ ଗତ ୪ ତାରିଖରେ ୪୬ ଜଣ ସୁରଟ ଫେରନ୍ତା ଭର୍ତ୍ତି ହୋଇଥଲେ l ସେଠାରେ ସେମାନେ ସମସ୍ତେ ସୁସ୍ଥ ଅଛନ୍ତି ବୋଲି ଦାୟିତ୍ୱରେ ଥିବା ଶିକ୍ଷକ ପ୍ରଶାନ୍ତ କୁମାର ପାତ୍ର ସୂଚନା ଦେଇଛନ୍ତି l ଆସନ୍ତା ୨୫ରେ ସେମାନଙ୍କ ୨୧ ଦିନିଆ କାରାଣ୍ଟାଇନ୍ ଅବଧି ସରିବା ପରେ ସମସ୍ତେ ନିଜ ନିଜ ଘରକୁ ଫେରିବେ ବୋଲି ସେ କହିଛନ୍ତି l ଏଥି ସହିତ ସେବାଶ୍ରମ ପରିବେଶକୁ ସୁରଟ ଫେରନ୍ତାମାନେ ଦୈନନ୍ଦିନ ସଫେଇ କରୁଛନ୍ତି। ସରକାରଙ୍କ ଗାଇଡ୍ଲାଇନ ଅନୁସାରେ ସମସ୍ତଙ୍କୁ ସୁବିଧା ଯୋଗାଇ ଦିଆଯାଉଛି ବୋଲି ନୋଡାଲ ଅଫିସର ରମାକାନ୍ତ ସାହୁ କହିଛନ୍ତି।
