ନୂଆଦିଲ୍ଲୀ/ନ୍ୟୁୟର୍କ,୧୩-୯ :ଚନ୍ଦ୍ରୟାନ-୨କୁ ନେଇ ଇସ୍ରୋ ପକ୍ଷରୁ ଅହରହ ପ୍ରୟାସ ଜାରି ରହିଥିବାବେଳେ ଯୋଗଯୋଗ ଲାଗି ପ୍ରସ୍ତୁତି ଚାଲିଛି। ସମୟ ସରିଆସୁଥିବାବେଳେ ନାସା ଏଥିଲାଗି ସହଯୋଗର ହାତ ବଢ଼ାଇଛି। ଲ୍ୟାଣ୍ଡର ବିକ୍ରମ ଲ୍ୟାଣ୍ଡିଂ କରିବା ପୂର୍ବ ଓ ପରର ସ୍ଥିତି ଅନୁଧ୍ୟାନ କରିବା ଲାଗି ସେଠାକାର ଫଟୋ ନାସା ଶେୟାର କରିବ ବୋଲି କହିଛି। ଏହା ଇସ୍ରୋ ଲାଗି ଅନୁଧ୍ୟାନ କରିବାକୁ ସହଜ ହେବ ବୋଲି ନାସାର ମୁଖପାତ୍ର ପ୍ରକାଶ କରିଛନ୍ତି। ଏପର୍ଯ୍ୟନ୍ତ ଇସ୍ରୋ ପକ୍ଷରୁ ବିକ୍ରମର କୌଣସି ଫଟୋଚିତ୍ର ଜାରି କରାଯାଇନାହିଁ। ଚନ୍ଦ୍ରୟାନ-୨ର ନିଜସ୍ବ ଅର୍ବିଟର ଥିଲେ ସୁଦ୍ଧା ନାସାର ଚନ୍ଦ୍ର ସର୍ବେକ୍ଷଣ ଅର୍ବିଟର ସେଠାରେ ଘୂର୍ଣ୍ଣନ କରୁଥିବାରୁ ଫଟୋ ପଠାଇପାରିବ ବୋଲି କୁହାଯାଇଛି। ପ୍ରକାଶଥାଉ କି, ଚନ୍ଦ୍ରପୃଷ୍ଠରୁ ମାତ୍ର ୨.୧ କି.ମି. ଦୂରରେ ବିକ୍ରମ ଲ୍ୟାଣ୍ଡର ସହ ଯୋଗlଯୋଗ ସମ୍ପର୍କ ଛିନ୍ନ ହୋଇଯିବାଫଳରେ ଇସ୍ରୋକୁ ଜୋର୍ଦାର ଝଟକା ଲାଗିଥିଲା। ତେବେ ଇସ୍ରୋ ଅଧ୍ୟକ୍ଷ କେ. ଶିବନ୍ ଚନ୍ଦ୍ରପୃଷ୍ଠରେ ବିକ୍ରମକୁ ଅକ୍ଷତ ଅବସ୍ଥାରେ ଠାବ କରାଯାଇଛି ବୋଲି କହିବା ପରେ ଆଶା ପୁଣି ଉଜ୍ଜିବିତ ହୋଇଛି। ନାସା ସହଯୋଗ କ୍ରମେ ଇସ୍ରୋ ବିକ୍ରମର ହାର୍ଡ ଲ୍ୟାଣ୍ଡିଂ ପୂର୍ବ ଓ ପରର ଫଟୋ ପାଇବା ପରେ ଏହାରକୁ ଅନୁଧ୍ୟାନ କରି ପରବର୍ତ୍ତି ପଦକ୍ଷେପ ଗ୍ରହଣ କରିବ। ସମୟ ସରିଆସୁଥିବାରୁ ବିକ୍ରମ ସହ ଯୋଗାଯୋଗ ଲାଗି ପ୍ରୟାସ ଜାରି ରହଛି।
