ଭୁବନେଶ୍ୱର,୧୦।୧୨(ବ୍ୟୁରୋ): ସେସୁର ଆର୍ଥିକ ସ୍ଥିତି ବର୍ତ୍ତମାନ ସେତେ ଭଲ ନାହିଁ। ଲୋକଙ୍କୁ ଗୁଣାତ୍ମକ ମାନଯୁକ୍ତ ବିଦ୍ୟୁତ୍ ଦେବାକୁ ହେଲେ ଆମକୁ ଅର୍ଥ ଦରକାର। ଏହାକୁ ନେଇ ଉପଭୋକ୍ତାମାନଙ୍କୁ ବକେୟା ବିଦ୍ୟୁତ୍ ବିଲ୍ ପୈଠ କରିବାକୁ ପଡ଼ିବ। ବକେୟା ବିଲ୍ ସମ୍ପର୍କରେ ଖାଉଟିଙ୍କ ପାଖକୁ ମେସେଜ୍ ଯିବ। ସବୁ ପରେ ଯଦି ଉପଭୋକ୍ତ ବକେୟା ନ ଦେବେ ତେବେ ଜାନୁୟାରୀ ୧୫ରୁ ଲାଇନ୍ କଟିବ ବୋଲି ମଙ୍ଗଳବାର ଏକ ଖବରଦାତା ସମ୍ମିଳନୀରେ ସେସୁ ସିଇଓ ଅରୁଣ ବୋଥ୍ରା ସୂଚନା ଦେଇଛନ୍ତି।
ସାଧାରଣ ଖାଉଟିଙ୍କ ଉପରେ ୨ ହଜାର କୋଟିର ବକେୟା ରହିଛି। ଉକ୍ତ ବିଲ୍ରୁ ୯୨% ଅର୍ଥାତ୍ ୧୦୨୩ କୋଟି ଟଙ୍କା କେବଳ ଘରୋଇ ଉପଭୋକ୍ତାଙ୍କ ଉପରେ ବାକି। ସମୁଦାୟ ବକେୟାରୁ ୨୦୯ କୋଟି ଉପରେ ଆପତ୍ତି ଅଭିଯୋଗ ଅଛି।ଏହି ବିଲ୍ରୁ ୧୦୮ କୋଟି ଶିଳ୍ପାଞ୍ଚଳର ବିଲ। ଏହି ବକେୟା ଆଦାୟ ପାଇଁ ସ୍ପେଶାଲ ଡ୍ରାଇଭ୍ ଆରମ୍ଭ କରାଯିବ। ସେସୁର ଆର୍ଥିକ ସ୍ଥିତି ବର୍ତ୍ତମାନ ସେତେ ଭଲ ନାହିଁ। ଲୋକଙ୍କୁ ଗୁଣାତ୍ମକଯୁକ୍ତ ବିଦ୍ୟୁତ୍ ଦେବାକୁ ହେଲେ ଆମକୁ ଅର୍ଥ ଦରକାର। ଏଣୁ ଆଗାମୀ ଦିନରେ ଖାଉଟିଙ୍କଠାରୁ ବକେୟା ଆଦାୟ କରାଯିବ ବୋଲି ବୋଥ୍ରା କହିଛନ୍ତି।
