ଭୁବନେଶ୍ୱର, ୧୧।୫(ବ୍ୟୁରୋ): କରୋନା ସଂକ୍ରମଣ ରୋକିବାକୁ ଭୁବନେଶ୍ୱର ବିମାନବନ୍ଦର କର୍ତ୍ତୃପକ୍ଷ ଏକ ବିଶେଷ ପଦକ୍ଷେପ ନେବାକୁ ଯାଉଛନ୍ତି। ତଦନୁଯାୟୀ ଏଣିକି ନିବା ସ୍ପର୍ଶରେ ଯାତ୍ରୀ ବିମାନରେ ବସିପାରିବେ। ବିମାନବନ୍ଦର ଟର୍ମିନାଲ ଭିତରେ ଯାହା ସବୁ କାର୍ଯ୍ୟ ହେବ ସବୁ ‘ନନ୍ ଟଚ’ ହେବ । ପ୍ରବେଶ ପଥ, ଟିକେଟ, ଚେକ ଇନ କାର୍ଯ୍ୟ ସବୁ ବିନା ସ୍ପର୍ଶରେ ହେବ । ଏକ ସୱତନ୍ତ୍ର ଯନ୍ତ୍ର ମାଧ୍ୟମରେ ପରିଚୟପତ୍ର ଓ ଟିକେଟ ଯାଞ୍ଚ କରାଯିବ । ପୂର୍ବରୁ କର୍ମଚାରୀମାନେ ହାତରେ ଟିକେଟ ଯାଞ୍ଚ କରୁଥିଲେ । ଲକ୍ଡାଉନ ଉଠିବା ପରେ ସୁରକ୍ଷା ପାଇଁ ଏହି ବ୍ୟବସ୍ଥା ଗ୍ରହଣ କରାଯିବ ।
ବିମାନ ବନ୍ଦର ପରିସରରେ ଏହି ସବୁ କାର୍ଯ୍ୟ ପାଇଁ ବିମାନ ବନ୍ଦରର ଆଧୁନିକୀକରଣ କାମ ବି ଆରମ୍ଭ ହୋଇଛି। ବିମାନ ବନ୍ଦର ପରିସରରେ ଏୟାର ଟ୍ରାଫିକ କଣ୍ଟ୍ରୋଲ ବା ଏଟିସି ଟାୱାର, ପାରାଲାଲ ଟାକ୍ସି ବେର କାମ ମଧ୍ୟ ଆରମ୍ଭ ହୋଇଛି।
