ଟେକ୍ସାସ,୧୮।୧୨: ଆମେରିକାର ଟେକ୍ସାସ ସହରରେ ବିଶ୍ୱର ସବୁଠୁ ବୟସ୍କ ଦମ୍ପତି ନିଜର ୮୦ତମ ବିବାହ ବାର୍ଷିକୀ ପାଳନ କରିଛନ୍ତି। ଲଙ୍ଗହର୍ନ ସହରରେ ରହୁଥିବା ୧୦୬ ବର୍ଷୀୟ ଜନ୍ ହେଣ୍ଡର୍ସନ ଏବଂ ତାଙ୍କ ସ୍ତ୍ରୀ ୧୦୫ ବର୍ଷୀୟା ଶେର୍ଲୋଟ ନିଜ ବିବାହ ବାର୍ଷିକୀ ବେଶ୍ ନିରାଡମ୍ବରେ ସେଲିବ୍ରେଟ୍ କରିଛନ୍ତି। ୧୯୩୪ରେ ଟେକ୍ସାସ ୟୁନିଭରସିଟିରୁ ଜନ୍ ହେଣ୍ଡର୍ସନ ଏବଂ ଶେର୍ଲୋଟଙ୍କ ମଧ୍ୟରେ ପ୍ରେମ ସମ୍ପର୍କ ଆରମ୍ଭ ହୋଇଥିଲା। ୧୯୩୯ରେ ଉଭୟ ବିବାହ କରିଥିଲେ। ଏହାର କିଛି ମାସ ପରେ ଦ୍ୱିତୀୟ ବିଶ୍ୱଯୁଦ୍ଧ ଆରମ୍ଭ ହୋଇଥିଲା। ଜନ୍ ହେଣ୍ଡର୍ସନ ଜଣେ ପୁଟବଲ୍ ଖେଳାଳି ଥିଲେ। ୧୦୬ ବର୍ଷରେ ମଧ୍ୟ ସେ ଏବେ ବି ଫୁଟବଲ୍ ଖେଳୁଛନ୍ତି। ଜନ୍ ଏବଂ ଶେର୍ଲୋଟଙ୍କ ମଧ୍ୟରେ କେବେ ଝଗଡା ହୁଏ ନାହିଁ, ସେମାନେ ସମସ୍ତଙ୍କ ପାଇଁ ଆଦର୍ଶ ବୋଲି ତାଙ୍କ ପରିବାର ଲୋକେ କହିଛନ୍ତି।
