ନୂଆଦିଲ୍ଲୀ,୨୯ା୧୨(ପି.ଟି.): ପୂର୍ବତନ କେନ୍ଦ୍ରମନ୍ତ୍ରୀ ୟଶ୍ଓ୍ବନ୍ତ ସିହ୍ନା ଶନିବାର ଭାଜପା ଉପରେ ବର୍ଷିଛନ୍ତି। ଦେଶବ୍ୟାପୀ ସିଏଏ ବିରୋଧୀ ବିକ୍ଷୋଭ ଜାରି ରହିଥିବାବେଳେ ସ୍ବରାଷ୍ଟ୍ରମନ୍ତ୍ରୀ ଅମିତ୍ ଶାହାଙ୍କ ‘ଟୁକ୍ଡ଼େ ଟୁକ୍ଡ଼େ’ ମନ୍ତବ୍ୟକୁ ନେଇ ସେ ପ୍ରଶ୍ନ ଉଠାଇଛନ୍ତି। ଏଭଳି ମନ୍ତବ୍ୟ ଭାରି ମାରାତ୍ମକ ବୋଲି ସିହ୍ନା ପ୍ରକାଶ କରିଛନ୍ତି। ଏହି ଟୁକ୍ଡ଼େ ଟୁକ୍ଡ଼େ’ ଗ୍ୟାଙ୍ଗ୍ରେ ଭାଜପାର ମାତ୍ର ଦୁଇଜଣ ଅଛନ୍ତି। ମହାଭାରତର ନକାରାତ୍ମକ ଚରିତ୍ର ଦୁର୍ଯ୍ୟୋଧନ ଓ ଦୁଃଶାସନ ଭଳି । କୁରୁକ୍ଷେତ୍ର ଯୁଦ୍ଧ ଲାଗି ସେମାନେ ଦାୟୀ ଥିଲେ। ଏବେ ଏହି ଟୁକ୍ଡ଼େ ଟୁକ୍ଡ଼େ ଗ୍ୟାଙ୍ଗ୍କୁ ଦଣ୍ଡିତ କରିବାର ସମୟ ଆସିଛି ବୋଲି ଦିଲ୍ଲୀରେ ସିହ୍ନା କହିଛନ୍ତି। ଚଳିତ ସପ୍ତାହ ପ୍ରାରମ୍ଭରେ ପ୍ରଧାନମନ୍ତ୍ରୀ ମୋଦି ସିଏଏ ବିରୋଧୀ ବିକ୍ଷୋଭକାରୀଙ୍କୁ ସହରୀ ନକ୍ସଲ ବୋଲି କଂଗ୍ରେସ ଓ ଏହାର ସହଯୋଗୀଙ୍କୁ ଆକ୍ଷେପ କରି କହିଥିଲେ। ପ୍ରକାଶଥାଉ କି, ବାଜପେୟୀ ସରକାରରେ କ୍ୟାବିନେଟ ମନ୍ତ୍ରୀ ଥିବା ସିହ୍ନା ଗତବର୍ଷ ଭାଜପା ଛାଡ଼ିଥିଲେ।
