ନୂଆଦିଲ୍ଲୀ, ୨୨।୫: ଲୋକ ସଭା ନିର୍ବାଚନର ଫଳାଫଳ ମେ ୨୩ ଘୋଷଣା ହେବ। ଏହାକୁ ଦେଶରେ ଯେତିକି ଚର୍ଚ୍ଚା, ପଡୋଶୀ ଦେଶ ପାକିସ୍ତାନରେ ମଧ୍ୟ ଚାଲିଛି ତର୍କ ବିତକର୍କ। କିଏ ହେବ ଭାରତର ପ୍ରଧାନମନ୍ତ୍ରୀ ଏନେଇ ପାକିସ୍ତାନ ଗଣମାଧ୍ୟମରେ ଚାଲିଛି ଆଲୋଚନା। ଏକଜିଟ ପୋଲରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁଣିଥରେ ପ୍ରଧାନମନ୍ତ୍ରୀ ହେବେ ବୋଲି ଆକଳନ କରାଯାଇଥିବାରୁ, ଏହାକୁ ନେଇ ଏବେ ପାକିସ୍ତାନରେ ଭିନ୍ନଭିନ୍ନ ମତ ପ୍ରକାଶ ପାଇଛି। କିଏ ମୋଦି ପୁଣିଥରେ ପ୍ରଧାନମନ୍ତ୍ରୀ ହେବା ଦରକାର ବୋଲି କହୁଥିବା ବେଳେ ଆଉ କେହି ମୋଦିଙ୍କୁ ବିରୋଧ କରୁଛନ୍ତି। ମୋଦି କ୍ଷମତାକୁ ଆସିଲେ ପାକିସ୍ତାନରେ ପଶି ଆକ୍ରମଣ କରିବେ ବୋଲି କିଛି ଲୋକ ସୋସିଆଲ ମିଡିଆରେ ମତ ଦେଇଥିଲାବେଳେ ବିଦେଶରେ ରହୁଥିବା ପାକିସ୍ତାନୀ ମୋଦି ପ୍ରଧାନମନ୍ତ୍ରୀ ହୁଅନ୍ତୁ ବୋଲି ମତ ଦେଇଛନ୍ତି। କିନ୍ତୁ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ମୋଦି ଏଥର ପୁଣି କ୍ଷମତାକୁ ଆସିଲେ ପାକିସ୍ତାନ ସହ ଶାନ୍ତି ଆଲୋଚନା ଆଗକୁ ବଢିପାରିବ ବୋଲି କିଛିଦିନ ତଳେ ମତ ଦେଇଥିଲେ।
