ନୂଆଦିଲ୍ଲୀ,୧୫।୧: ବିଶ୍ୱର ସବୁଠୁ ଧନୀ ବ୍ୟକ୍ତି ତଥା ଆମାଜନ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ(ସିଇଓ) ଜେଫ୍ ବେଜୋସ ୩ ଦିନିଆ ଭାରତ ଗସ୍ତରେ ଆସି ନୂଆଦିଲ୍ଲୀରେ ପହଞ୍ଚିଛନ୍ତି। ଏଠାରେ ସେ ଜାତିର ପିତା ମହାତ୍ମା ଗାନ୍ଧୀଙ୍କ ସମାଧି ସ୍ଥଳ ରାଜଘାଟକୁ ଯାଇ ବାପୁଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ। ଏହି ସମୟରେ ସେ ଧଳା ଧୋତି ଏବଂ ନାରଙ୍ଗୀ କୁର୍ତ୍ତା ପିନ୍ଧିଥିବାର ଦେଖାଯାଇଥିଲା। ଏହାର ଏକ ଭିଡିଓ ନିଜ ଟୁଇଟରରେ ଅପଲୋଡ କରିଛନ୍ତି ବେଜୋସ କହିଛନ୍ତି, ଏବେ ଭାରତରେ ଅଛି, ଯିଏ ପ୍ରକୃତରେ ଦୁନିଆ ବଦଳାଇଦେଇଛନ୍ତି ତାଙ୍କୁ ମୁଁ ଶ୍ରଦ୍ଧାଞ୍ଜଳି ଜଣାଉଛି। ମହାତ୍ମା ଗାନ୍ଧୀ କହିଥିଲେ, ଜୀବନରେ ଏମିତି ବଞ୍ଚନ୍ତୁ, ଯେମିତି କାଲି ଶେଷ ଦିନ। ଏମିତି କିଛି ଶିଖନ୍ତୁ, ଯେମିତି ସବୁବେଳେ ଏଠାରେ ରହିବାର ଅଛି ବୋଲି ବେଜୋସ କହିଛନ୍ତି। ସୂଚନାଯୋଗ୍ୟ, ଅନଲାଇନ୍ ରିଟେଲର୍ ପକ୍ଷରୁ ଦୁଇଦିବସୀୟ ସମ୍ମିଳନୀ ଆୟୋଜିତ ହେଉଛି। ଏହି ସମ୍ମିଳନୀରେ ଯୋଗଦେବା ପାଇଁ ବେଜୋସ ଭାରତ ଗସ୍ତରେ ଆସିଛନ୍ତି।
