ଆରଡ଼ି,୧୨।୮(ଡି.ଏନ୍.ଏ.): ଭଦ୍ରକ ଜିଲାର ଶୈବପୀଠ ଆରଡ଼ି ନିକଟସ୍ଥ ମୁଆଁ ଘାଟରେ କାଉଡ଼ିଆମାନେ ଭର୍ତ୍ତି ହୋଇ ଏକ ଭୁଟୁଭୁଟିରେ ଯାଉଥିବା ବେଳେ ପ୍ରାୟ ଦେଢ କିମି ପର୍ଯ୍ୟନ୍ତ ଭାସି ଯାଇଥିଲେ। ସୂଚନାନୁସାରେ ଶେଷ ସୋମବାରରେ କେନ୍ଦ୍ରାପଡ଼ା ଜିଲାରୁ ମୁଆଁ ଘାଟଦେଇ କାଉଡ଼ିଆ ଶହଶହ ସଂଖ୍ୟାରେ ଆରଡ଼ିକୁ ଆସି ବାବାମଣିଙ୍କ ପାଖରେ ଜଳଲାଗି କରିଥିଲେ। ସୋମବାର ସକାଳେ ୫୦ ରୁ ୬୦ ଜଣ କାଉଡ଼ିଆଙ୍କୁ ନେଇ ଯାଉଥିବା ଏହି ଭୁଟୁଭୁଟିଟି ନଈ ମଝିରେ ଯାନ୍ତ୍ରିକ ତ୍ରୁଟି ଦେଖା ଦେଇଥିଲା। ଫଳରେ ଭୁଟୁଭୁଟିଟି ଭାସିଯାଇଥିଲା। କୋଳାହଳ ନ କରି ଚୁପ୍ ହୋଇ ବସିବାକୁ ଭୁଟୁଭୁଟି ଚାଳକ କାଉଡ଼ିଆମାନଙ୍କୁ ପରାମର୍ଶ ଦେଇଥିଲେ। ଶେଷରେ ଓଡ୍ରାଫ୍ ଟିମ୍ ଅନ୍ୟ ଏକ ଭୁଟୁଭୁଟି ସାହାଯ୍ୟରେ ସମସ୍ତ କାଉଡ଼ିଆଙ୍କୁ ଉଦ୍ଧାର କରିଥିଲା।
