ଭୁବନ, ୨୯ା୨(ଡି.ଏନ୍.ଏ.): ଢେଙ୍କାନାଳ ଜିଲା ଭୁବନ ବ୍ଲକ ବାଲିବୋ ପଞ୍ଚାୟତ ଅଧୀନ ବାଉଁଶକଣ ଗ୍ରାମର ମାଟିଆସାହିରେ ଶୁକ୍ରବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୫ ପରିବାରର ୧୪ ବଖରା ସମ୍ପୂର୍ଣ୍ଣ ଭସ୍ମୀଭୂତ ହୋଇଯାଇଛି। ଗ୍ରାମବାସୀ ଖାଇ ଶୋଇବା ପରେ ଧନୁ ପ୍ରଧାନଙ୍କ ଘରେ ନିଅଁା ଲାଗି ଚାରିଆଡ଼କୁ ବ୍ୟାପୀ ଯାଇଥିଲା। ଧନୁଙ୍କ ୩ ବଖରା, ମଦନ ପ୍ରଧାନଙ୍କ ୨, କାର୍ତ୍ତିକ ପ୍ରଧାନଙ୍କ ୩, ନାରାୟଣ ପ୍ରଧାନଙ୍କ ୨, ଶରତ ପ୍ରଧାନଙ୍କ ୨ ଓ ବିଶ୍ୱନାଥ ପ୍ରଧାନଙ୍କର ୨ ବଖରା ଜଳିଯାଇଛି। ମାର୍ଚ୍ଚ ମାସରେ ବିଶ୍ୱନାଥଙ୍କ ଝିଅ ବାହାଘର ଉପଲକ୍ଷେ ଘରେ ରଖାଯାଇଥିବା ଟଙ୍କା, ସୁନା ଓ ବିଭିନ୍ନ ସାମଗ୍ରୀ ଜଳିଯାଇଛି। ଖବର ପାଇ ଭୁବନ ଅଗ୍ନିଶମ କର୍ମଚାରୀ ନିଆଁକୁ ଆୟତ୍ତ କରିଥିଲେ। ତେବେ ଅଗ୍ନିକାଣ୍ଡର କାରଣ ଏଯାବତ୍ ଅସ୍ପଷ୍ଟ ରହିଛି। ଶନିବାର ଭୁବନ ତହସିଲଦାର ଶକ୍ତିକାନ୍ତ ରାଏ ଘଟଣାସ୍ଥଳରେ ପହଞ୍ଚି କ୍ଷୟକ୍ଷତି ଆକଳନ କରିଛନ୍ତି। ବିଡିଓ ଆଶୀର୍ବାଦ ପରିଡ଼ା, ବ୍ଲକ ଅଧ୍ୟକ୍ଷ ଧର୍ମାନନ୍ଦ ବରାଳ ଓ ବାଲିବୋ ସରପଞ୍ଚ ସନ୍ତୋଷ କୁମାର ଖୁଣ୍ଟିଆ ପଲିଥିନ ଖାଦ୍ୟ ଯୋଗାଇ ଥିବା ବେଳେ କ୍ଷତିପୂରଣ ଦିଆଯିବ ବୋଲି କହିଛନ୍ତି। ତେବେ କେହି ଦୁର୍ବୃତ୍ତ ଅଗ୍ନିକାଣ୍ଡ ଘଟାଇଥିବା ଅଞ୍ଚଳବାସୀ ଅଭିଯୋଗ କରିଛନ୍ତି।
