କୋଲକାତା, ୨୩।୮: ଜନ୍ମାଷ୍ଟମୀ ଅବସରରେ ପଶ୍ଚିମବଙ୍ଗରେ ଏକ ଅଘଟଣ ଘଟିଛି। ୨୪ ପରଗଣା ଜିଲାରେ ଥିବା ଲୋକନାଥ ବାବା ମନ୍ଦିରରେ ଜନ୍ମାଷ୍ଟମୀରେ ଭକ୍ତଙ୍କ ପ୍ରବଳ ଭିଡ ଯୋଗୁ ଦଳାଚକଟାରେ ୪ ଜଣଙ୍କ ମୃତ୍ୟୁ ଘଟିଛି। ଏଥିରେ ୨୬ଜଣ ଆହତ ହୋଇଛନ୍ତି। ଅତିଗମ୍ଭୀର ୧୧ଜଣଙ୍କୁ କୋଲକାତାର ଏକ ହସ୍ପିଟାଲକୁ ପଠାଯାଇଛି। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ହସ୍ପିଟାଲରେ ପହଞ୍ଚି ଆହତଙ୍କୁ ଭେଟିଛନ୍ତି। ସୂଚନାଯୋଗ୍ୟ, ଶୁକ୍ରବାର ସକାଳୁ ଲୋକନାଥ ବାବା ମନ୍ଦିରରେ ଭକ୍ତଙ୍କ ଭିଡ ଜମିଥିଲା। ପ୍ରବଳ ବର୍ଷା ଯୋଗୁ ଭିଡ ଆହୁରି ଅଧିକ ହୋଇଥିଲା। ମନ୍ଦିର ପାଖ ଏକ କାନ୍ଥ ଭୁଷୁଡି ପଡିବାରୁ ଲୋକ ଭୟରେ ଦୌଡିବାକୁ ଲାଗିଥିଲେ। ଫଳରେ ଦଳଚକଟାରେ ହୋଇଥିଲା।
