ବୁଗୁଡ଼ା,୯।୩(ଡି.ଏନ୍.ଏ.)- ବୁଗୁଡ଼ା ବ୍ଲକ ତାଳଶାକର ଗ୍ରାମରେ ଗତ ମାସ ୧୬ ତାରିଖରୁ ଆରମ୍ଭ ହୋଇଥିବା ମହାମାୟୀ କ୍ରିକେଟ ଟୁର୍ନାମେଣ୍ଟ ସୋମବାର ଉଦ୍ଯାପିତ ହୋଇଯାଇଛି। ଫାଇନାଲ ମ୍ୟାଚ୍ ବି.ବ୍ରହ୍ମପୁର ଟିମ ଓ ଖରିଡ଼ା ଟିମ୍ ମଧ୍ୟରେ ଅନୁଷ୍ଠିତ ହୋଇଥିଲା। ପ୍ରଥମେ ବି.ବ୍ରହ୍ମପୁର ଟସ୍ ଜିତି ୧୫ ଓଭରରେ ୮ଉଇକେଟ ବିନିମୟରେ ୧୫୩ ରନ୍ କରିଥିବା ବେଳେ ଜବାବ୍ରେ ଖରିଡ଼ା ଟିମ୍ ୧୩ ଓଭରରେ ସମସ୍ତ ଉଇକେଟ ହରାଇ ମାତ୍ର ୭୦ ରନ୍ କରି ପରାସ୍ତ ହୋଇଥିଲା। ଫଳରେ ବି.ବ୍ରହ୍ମପୁର ଟିମ ବିଜୟୀ ଘୋଷିତ ହୋଇଥିଲା। ମୁଖ୍ୟଅତିଥି ଭାବେ ଜିଲାପରିଷଦ ସଭ୍ୟ ଭୁବନେଶ୍ୱରୀ ଖଟାଇ ଓ ସମ୍ମାନିତ ଅତିଥି ଭାବେ ପୂର୍ବତନ ଜିଲା ପରିଷଦ ସଭ୍ୟ ଖଦାଳ ଖଟାଇ, କ୍ରୀଡ଼ା ଶିକ୍ଷକ ବି. ଗୋପାଳ ଚନ୍ଦ୍ର ପାତ୍ର ପ୍ରମୁଖ ଯୋଗ ଦେଇ ବିଜୟୀ ଦଳକୁ ଚାମ୍ପିୟନ ସିଲ ଓ ଖରିଡ଼ା ଦଳକୁ ରନର୍ସଅପ୍ ସିଲ ପ୍ରଦାନ କରିଥିଲେ।
