ନୂଆଦିଲ୍ଲୀ, ୧୨।୮: ଏବେ ଭାରତର କିଛି ରାଜ୍ୟରେ ବନ୍ୟା ପରିସ୍ଥିତି ଭୟଙ୍କର ହୋଇଛି। ବନ୍ୟାରେ ଏପର୍ଯ୍ୟନ୍ତ ୧୭୪ ଜଣଙ୍କ ମୃତ୍ୟୁ ହୋଇଥିବାବେଳେ ଏବେ ବି ଅନେକ ଲୋକ ପାଣି ଘେରରେ ଅଛନ୍ତି। ତେବେ ବନ୍ୟା ପାଣିକୁ ଭ୍ରୂକ୍ଷେପ ନ କରି ସୁରକ୍ଷାକର୍ମୀ ଲୋକଙ୍କୁ ଉଦ୍ଧାର କରୁଥିବା ଚିତ୍ର ଆଜିକାଲି ସୋସିଆଲ ମିଡିଆରେ ବେଶ୍ ଭାଇରାଲ୍ ହେଉଥିବା ଦେଖାଯାଇଛି। କିନ୍ତୁ ବନ୍ୟାଞ୍ଚଳରେ ଜଣେ ଯୁବକ ଏକ ବାଛୁରିକୁ ନିଜ ପିଠିରେ ବସାଇ ସୁରକ୍ଷିତ ସ୍ଥାନକୁ ନେଉଥିବା ଚିତ୍ରକୁ ନେଇ ଚାରିଆଡେ ଚର୍ଚ୍ଚା ହେଉଛି। ମନୋଜ କୁମାର ନାମକ ଜଣେ ବ୍ୟକ୍ତି ଏହି ଫଟୋଟିକୁ ପ୍ରଥମେ ନିଜ ସୋସିଆଲ ମିଡିଆରେ ଛାଡିଥିଲେ। ଏପର୍ଯ୍ୟନ୍ତ ଫଟୋଟି ୩ହଜାର ୨ଶହ ଥର ରିଟୁଇଟ କରାଯାଇଛି। ମହିନ୍ଦ୍ରା ଗ୍ରୁପ୍ର ମାଲିକ ଆନନ୍ଦ ମହିନ୍ଦ୍ରା ମଧ୍ୟ ଏହି ଫଟୋକୁ ନିଜ ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି।
