କୋକସରା, ୨୫ା୪ (ଡି.ଏନ.ଏ.): କଳାହାଣ୍ଡି ଜିଲା କୋକସରା ବ୍ଲକ ଆମପାଣି ପଞ୍ଚାୟତ ସରପଞ୍ଚ ଟିକିଚନ୍ଦ୍ର ଧଙ୍ଗଡାମାଝୀ ଓ ସମିତି ସଭ୍ୟା ମାଧୁରୀ ନାଏକ ଶନିବାର ଆମପାଣି ସାପ୍ତାହିକ ବଜାରରେ ଲୋକଙ୍କୁ ମାସ୍କ ଓ ସାବୁନ ବଣ୍ଟନ କରିଥିଲେ। ଏଥିସହ କରୋନା ଉପରେ ସଚେତନ କରିବା ସହ ସାମାଜିକ ଦୂରତ୍ୱ ବଜାୟ ରଖିବାକୁ ଅନୁରୋଧ କରିଥିଲେ। ଘରୁ ବାହାରିଲେ ମାସ୍କ ପିନ୍ଧିବା, ଘରକୁ ଗଲେ ସାବୁନରେ ହାତ ଧୋଇବା, ନିହାତି ଜରୁରୀ ନ ଥିଲେ ଘରୁ ନ ବାହାରିବା ଓ ସରକାରଙ୍କ ଦ୍ୱାରା ଜାରି ନିୟମଗୁଡିକ ମାନିବା ପାଇଁ ଲୋକଙ୍କୁ ଉଭୟ ଜନ ପ୍ରତିନିଧି ଅନୁରୋଧ କରିଥିଲେ। ଏହି କାର୍ଯ୍ୟକ୍ରମରେ ଭାସ୍କର ରାଓ, ବିଘ୍ନେଶ୍ୱର ନାଏକ, ସୁବାସ ନାଏକ, ତାପସ ରଞ୍ଜନ ରାୟ, ବିଜୟ ପଣ୍ଡା, କେଶବ ବେଣୁପାଣି ପମୁଖ ଉପସ୍ଥିତ ଥିଲେ।
