ମା’ ଦୁର୍ଗାଙ୍କ ମହିମା ଅପାର। ତାଙ୍କ ଉପରେ ଭରସା କରି ମାନସିକ ପୂରଣ ପାଇଁ ଧାଇଁ ଆସିଥାନ୍ତି ଭକ୍ତ। ଆଜି ମା’ଙ୍କ ଏପରି ଏକ ଚମତ୍କାରିତା ବିଷୟରେ କହିବୁ ଯାହା ଶୁଣି ଚକିତ ହୋଇଯିବେ। ବିହାରର ମଧେପୁରା ଜିଲାସ୍ଥିତ ମା’ ଦୁର୍ଗାଙ୍କ ମନ୍ଦିର ଚମତ୍କାରୀ ଶକ୍ତିରେ ଭରା। ୭୦ ବର୍ଷ ପୂର୍ବେ ମନ୍ଦିରରେ ଦୁଇଜଣ ଚୋର ପଶି ଆସିଥିଲେ। ମା’ଙ୍କ ଗହଣା ଚୋରି କରି ପଳାଇବା ସମୟରେ ଯାହା ପରିଣତି ହେଲା ଶୁଣିଲେ ଆଶ୍ଚର୍ଯ୍ୟ ହୋଇଯିବେ।
ଚୋର ଦୁଇଜଣ ମା’ଙ୍କର ସମସ୍ତ ଗହଣା ଚୋରି କରି ନେଇ ଚାଲିଯିବାକୁ ବାହାରିଥିଲେ। ଏହି ସମୟରେ ଦ୍ୱାର ନିକଟରେ ପହଞ୍ଚାଇବା କ୍ଷଣି ଦୃଷ୍ଟିଶକ୍ତି ହରାଇ ବସିଲେ। ଖାଲି ଏତିକି ନୁହେଁ, ଦୁଇ ଚୋର ପଥର ମଧ୍ୟ ପାଲଟିଗଲେ। ଆଜି ବି ମନ୍ଦିର ବାହାରେ ଏହି ଦୁଇଟି ପଥର ରହିଥିବା ଦେଖିବାକୁ ମିଳେ। ମନ୍ଦିରର ପୂଜାରୀ କୁହନ୍ତି, ଏହି ସ୍ଥାନରେ ଦେବୀ ସତୀଙ୍କ ଏକ ଅଙ୍ଗ ପଡ଼ି ଯାଇଥିଲା। ଏଥିପାଇଁ ଏହି ସ୍ଥାନକୁ ଚଣ୍ଡୀସ୍ଥାନ କୁହାଯାଏ। ନବରାତ୍ରି ଅବସରରେ ଏଠାରେ ଲୋକଙ୍କ ପ୍ରବଳ ଭିଡ଼ ଲାଗେ। ମନ୍ଦିରରେ ମା’ ଦୁର୍ଗାଙ୍କ ବ୍ୟତୀତ ସେବକ ବୁଧାୟ ଏବଂ ସୁଧାୟଙ୍କ ମୂର୍ତ୍ତି ରହିଛି। କୁହାଯାଏ, ଭକ୍ତି ମନରେ ଯିଏ ମା’ଙ୍କ ମନ୍ଦିରକୁ ଆସିଥାଏ ମା’ ତାଙ୍କୁ ନିରାଶ ହେବାକୁ ଦେଇ ନ ଥାନ୍ତି। ମହିଳାମାନଙ୍କର ସନ୍ତାନସନ୍ତତି ହେଉ ନ ଥିଲେ ଏଠାକୁ ଧାଇଁ ଆସିଥାନ୍ତି। ମା’ଙ୍କୁ ଦର୍ଶନ କରି ମାତୃତ୍ୱ ଲାଭ କରିଥାନ୍ତି।
