ପରଜଙ୍ଗ, ୧୪।୧(ଡି.ଏନ.ଏ.)
ଢେଙ୍କାନାଳ ଜିଲା ପରଜଙ୍ଗ ଥାନା ମହାବିରୋଡ ଫାଣ୍ଡି ଅଧୀନ ପଙ୍ଗାତୀରା ଗ୍ରାମରେ ଗତ ୬ ତାରିଖ ବିଳମ୍ବିତ ରାତିରେ ସଂଘଠିତ ଜଘନ୍ୟ ହତ୍ୟାକାଣ୍ଡ ଉପରୁ ପରଦା ଉଠାଇଛି ପୋଲିସ। ଯୌତୁକ ଲୋଭ ଏବଂ ଚରିତ୍ର ସନ୍ଦେହରୁ ଗର୍ଭବତୀ ସ୍ତ୍ରୀ ମିତା ସାହୁ (୨୨)ଙ୍କୁ ସ୍ବାମୀ ଲଳିତ ସାହୁ ଟାଙ୍ଗିଆରେ ହାଣି ନିର୍ମମ ଭାବେ ହତ୍ୟା କରିଥିଲେ। ରବିବାର ଅଭିଯୁକ୍ତଙ୍କୁ ମହାବିରୋଡ ଅଞ୍ଚଳରୁ ଗିରଫ କରାଯାଇଛି। ସୋମବାର ତାଙ୍କୁ କୋର୍ଟ ଚାଲାଣ କରାଯାଇଥିବା ଏସ୍ଡିପିଓ ସୁପ୍ରସନ୍ନ ମଲ୍ଲିକ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି।
୨୦୧୭ରେ ଲଳିତଙ୍କ ବିବାହ ମିତାଙ୍କ ସହ ହୋଇଥିଲା। ହେଲେ ଲଳିତ ଅନ୍ୟ ଜଣେ ଯୁବତୀଙ୍କ ସହ ସମ୍ପର୍କ ରଖିଥିଲେ। ଏହା ଜଣାପଡ଼ିବା ପରେ ଉଭୟଙ୍କ ଦାମ୍ପତ୍ୟ ଜୀବନରେ ଝଡ଼ ସୃଷ୍ଟି ହୋଇଥିଲା। ଏହାପରେ ମିତା ନିଜ ବାପଘରେ ରହି ଆସୁଥିଲେ। ଘଟଣାଦିନ ଅଭିଯୁକ୍ତ ଲଳିତ ଶ୍ୱଶୁର ଘରଆଟୁ ଉପରେ ଲୁଚିଥିଲେ। ବିଳମ୍ବିତ ରାତିରେ ସ୍ତ୍ରୀ ଶୋଇଥିବା ରୁମକୁ ଯାଇ ତାଙ୍କ ବେକକୁ ଟାଙ୍ଗିଆରେ ହାଣି ଦେଇଥିଲେ। ଘଟଣାସ୍ଥଳରେ ମିତାଙ୍କ ମୃତ୍ୟୁ ହୋଇଯାଇଥିଲା। ଚିତ୍କାର ଶୁଣି ଶାଶୁ ଗେଲ ଘଟଣାସ୍ଥଳରେ ପହଞ୍ଚତ୍ଥିବାବେଳେ ସେ ମଧ୍ୟ ଆକ୍ରମଣର ଶିକାର ହୋଇଥିଲେ। ଘଟଣା ଘଟାଇ ଲଳିତ ଫେରାର ହୋଇଯାଇଥିଲେ। ଏକ ନିଛାଟିଆ ସ୍ଥାନରେ ଟାଙ୍ଗିଆ, ରକ୍ତ ଲଗା ଡ୍ରେସ୍ ଫିଙ୍ଗି ଦେଇ ଯାଜପୁର ପଳାଇଥିଲେ। ପୋଲିସ ସନ୍ଧାନୀ କୁକୁର ଏବଂ ସାଇଣ୍ଟିଫିକ୍ ଟିମ୍ ସହାୟତାରେ
