ମୋଦିଙ୍କୁ ଭେଟିଲେ ୟେଦୁରପ୍ପା
2:11 pmAugust 16, 2019 / 21

ନୂଆଦିଲ୍ଲୀ,୧୬।୮: କର୍ନାଟକ ମୁଖ୍ୟମନ୍ତ୍ରୀ ବିଏସ୍‌ ୟେଦୁରପ୍ପା ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନୂଆଦିଲ୍ଲୀଠାରେ ଭେଟିଛନ୍ତି। କର୍ନାଟକ ବନ୍ୟା କ୍ଷୟକ୍ଷତିକୁ ନେଇ ସେ ମୋଦିଙ୍କ ସହ ଆଲୋଚନା କରିବା ପରେ କେନ୍ଦ୍ରରୁ ଅଧିକ ସହାୟତା ଦାବି କରିଛନ୍ତି। ଏହି ସମୟରେ ମୁଖ୍ୟ ସଚିବ ଟିଏମ୍‌ ବିଜୟଭାସ୍କର, କେନ୍ଦ୍ରମନ୍ତ୍ରୀ ସୁରେଶ ଅଙ୍ଗାଡି ଓ ପ୍ରହଲ୍ଲାଦ ଯୋଶୀ ମଧ୍ୟ ଉପସ୍ଥିତ ଥିଲେ। ସୂଚନାଯୋଗ୍ୟ, ଚଳିତ ବର୍ଷ ବନ୍ୟାରେ କର୍ନାଟକର ଅଧିକାଂଶ ଅଞ୍ଚଳ ଜଳମଗ୍ନ ହୋଇଥିବା ବେଳେ ଲକ୍ଷ ଲକ୍ଷ ଲୋକେ ବାସହରା ହୋଇଛନ୍ତି। ଏଥିରେ କୋଟି କୋଟି ଟଙ୍କାର ଫସଲ ମଧ୍ୟ ନଷ୍ଟ ହୋଇଛି।