ଲକ୍ଷ୍ନୌ,୨୪।୭: ଉତ୍ତର ପ୍ରଦେଶର କୁଖ୍ୟାତ ଗ୍ୟାଙ୍ଗଷ୍ଟର ବିକାଶ ଦୁବେ ଏନକାଉଣ୍ଟରରେ ନିହତ ହୋଇଛନ୍ତି। ସ୍ବାମୀଙ୍କ ମୃତ୍ୟୁ ପରେ ସ୍ତ୍ରୀ ରିଚା ଦୁବେ ମୁହଁ ଖୋଲିଛନ୍ତି। ସେ କହିଛନ୍ତି ଯେ, ଯଦି ଏପରି କାଣ୍ଡ କରିବା ପରେ ବିକାଶ ମୋ ସମ୍ମୁଖକୁ ଆସିଥାନ୍ତେ ତେବେ ମୁଁ ଗୁଳି ଚଳାଇଥା’ନ୍ତି। ସେ ଆହୁରି ମଧ୍ୟ କହିଛନ୍ତି, ସ୍ବାମୀ ବିକାଶ ଦୁବେଙ୍କ ସହ ଦୀର୍ଘ ବର୍ଷ ଧରି ରହନ୍ତି ନାହିଁ। ବିବାହର ଦୁଇ ବର୍ଷ ପରେ ସେ ସ୍ବାମୀଙ୍କ ଘରୁ ପଳାଇ ଆସିଥିଲେ। କାରଣ ସେ ସହରର ଝିଅ ଏବଂ ଗାଁର ପରିବେଶକୁ ସେ ପସନ୍ଦ କରୁ ନ ଥିଲେ। ବିକାଶ ପ୍ରାୟତଃ ସେଠାରେ ଝଗଡା କରୁଥିଲେ। ରିଚା ଦୁବେ କହିଛନ୍ତି ଯେ, ବିକାଶ ତାଙ୍କ ଭାଇଙ୍କର ବନ୍ଧୁ। ସେମାନେ ଘରେ ଭେଟିଥିଲେ। ବିକାଶ ତାଙ୍କ ଘରକୁ ଆସୁଥିଲେ। ୧୯୯୬ରେ ଆମେ ବିବାହ କରିଥିଲୁ। କିନ୍ତୁ ଗାଁର ପରିବେଶ ଭଲ ନଥିଲା। ବିକାଶ ଦିନରେ ଝଗଡା କରୁଥିଲେ। ଯେତେବେଳେ ସେ ବିକାଶକୁ ବନ୍ଦ କରିବାକୁ ଚେଷ୍ଟା କଲେ, ସେ ଅଶ୍ଳୀଳ ଭାଷାରେ ଗାଳିଗୁଲଜ କରୁଥିଲେ। ୧୯୯୮ ମସିହାରେ ସେ ତାଙ୍କ ବାପ ଘରକୁ ପଳାଇ ଆସିଥିଲେ। ସେ ସେଠାରେ ୭ ବର୍ଷ ରହିଲେ। ଏହି ସମୟ ମଧ୍ୟରେ ବିକାଶ ପିଲାମାନଙ୍କୁ ଭେଟିବା ପାଇଁ ସେଠାକୁ ଆସୁଥିଲେ। ରିଚା ଦୁବେ ମଧ୍ୟ ଗାଁକୁ ଯାଉଥିଲେ। ଏବେ ଚାହୁଁଛି ବିକାଶ ଦୁବେଙ୍କ ଭଳି ବ୍ୟକ୍ତି ଭାରତରେ ଜନ୍ମ ନ ନିଅନ୍ତୁ।
ସୂଚନାଯୋଗ୍ୟ, ଗ୍ୟାଙ୍ଗଷ୍ଟାର ବିକାଶ ଦୁବେ କାନପୁରରେ ୮ ପୋଲିସକର୍ମୀଙ୍କୁ ହତ୍ୟା କରିଥିଲେ। ଏହାର ୮ ଦିନ ପରେ ପୋଲିସ ତାଙ୍କୁ ଏନକାଉଣ୍ଟର କରିଥିଲା।
up-kanpur-shootout-gangster-vikas-dubey-wife-richa-dubey says no one else be born in India like my husband
