ମୌସୁମୀରେ ଆସିପାରେ ଦ୍ୱିତୀୟ ପର୍ଯ୍ୟାୟ ସଂକ୍ରମଣ

ନୂଆଦିଲ୍ଲୀ, ୨୫।୪: ଆଉ କିଛି ସପ୍ତାହ ପରେ କରୋନା ଭାଇରସ୍‌ ଜନିତ ସଂକ୍ରମଣ କମିଯିବ ବୋଲି କୁହାଯାଉଛି। କିନ୍ତୁ ଜୁଲାଇ କିମ୍ବା ଅଗଷ୍ଟ ମୌସୁମୀ ସମୟରେ ଏହା ପୁଣି ଭାରତକୁ ଲେଉଟିପାରେ ବୋଲି ବୈଜ୍ଞାନିକମାନେ ଆଶଙ୍କା ବ୍ୟକ୍ତ କଲେଣି। ଲକ୍‌ଡାଉନ୍‌ ଶେଷ ହେବା ପରେ ଭାରତୀୟମାନେ କିଭଳି ଶାରୀରିକ ଦୂରତ୍ୱ ବଜାୟ ରଖି ସଂକ୍ରମଣ ସ୍ତରକୁ କମାଇବେ ତା’ ଉପରେ ସବୁକିଛି ନିର୍ଭର କରୁଛି ବୋଲି ସେମାନେ କହିଛନ୍ତି।
ଶିବ ନାଦାର ବିଶ୍ୱବିଦ୍ୟାଳୟର ପ୍ରଫେସର ସମିତ୍‌ ଭଟ୍ଟାଚାର୍ଯ୍ୟ କହିଛନ୍ତି ଯେ, ବର୍ତ୍ତମାନ ଯେଉଁ ହାରରେ ସଂକ୍ରମଣ ଦେଖିବାକୁ ମିଳୁଛି, ତାହା କିଛି ସପ୍ତାହ କିମ୍ବା କିଛି ମାସ ପରେ କମିଯାଇପାରେ। ତଥାପି ମୌସୁମୀ ବେଳକୁ ଦ୍ୱିତୀୟ ପର୍ଯ୍ୟାୟ କୋଭିଡ୍‌-୧୯ ଭାରତକୁ ଲେଉଟିପାରେ। କାରଣ ସାମାଜିକ ଦୂରତ୍ୱ ବଜାୟ ରଖିବାରେ ଭାରତୀୟମାନେ କେତେ ସଜାଗ ରହୁଛନ୍ତି ତାହା ମୁଖ୍ୟ ବିଷୟ ପାଲଟିବ। ଭଟ୍ଟାଚାର୍ଯ୍ୟଙ୍କ ସହ ଏକମତ ହୋଇଛନ୍ତି ବେଙ୍ଗାଲୁରୁସ୍ଥିତ ଇଣ୍ଡିଆନ୍‌ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ସାଇନ୍ସ (ଆଇଆଇଏସ୍‌ସି)ର ପ୍ରଫେସର ରାଜେଶ ସୁନ୍ଦରେସାନ୍‌। ବର୍ତ୍ତମାନ ଦେଖାଦେଇଥିବା ସଂକ୍ରମଣ ଯେତେବେଳେ ସ୍ବାଭାବିକ ସ୍ତରକୁ ଚାଲିଆସିବ, ସେତେବେଳେ ଏହା ପୁନଶ୍ଚ ବଢ଼ିବାର ସୁଯୋଗ ରହିଛି। ଟ୍ରାଭେଲ ବା ଯାତ୍ରା ଉପରେ କଟକଣା ହଟିଲା ପରେ ଚାଇନାରେ ଯେଭଳି ଏହା ପୁଣି କେତେକାଂଶରେ କାୟା ବିସ୍ତାର କଲା, ତାହା ଭାରତରେ ଦେଖାଦେଇପାରେ ବୋଲି ସୁନ୍ଦରେସାନ୍‌ କହିଛନ୍ତି।
ମାର୍ଚ୍ଚ ୨୫ରେ ଭାରତରେ କରୋନା ସଂକ୍ରମଣ ସଂଖ୍ୟା ୬୧୮ ଥିବା ବେଳେ ୧୩ ଜଣ ପ୍ରାଣ ହରାଇଥିଲେ। ସେତେବେଳେ ସରକାର ଦେଶବ୍ୟାପୀ ଲକ୍‌ଡାଉନ୍‌ ଘୋଷଣା କରି ପରବର୍ତ୍ତୀ ସମୟରେ ଏହାକୁ ମେ ୩ ଯାଏ ବଢ଼ାଇଛନ୍ତି। ତେବେ ୨୪ ଏପ୍ରିଲ ସୁଦ୍ଧା ଦେଶରେ ୭୧୮ ଜଣଙ୍କ ମୃତ୍ୟୁ ଘଟିଥିବା ବେଳେ ୨୩,୦୭୭ ଲୋକ ସଂକ୍ରମିତ ହୋଇଛନ୍ତି। ଶୁଭ ଖବର ହେଉଛି ଯେ, ଲକ୍‌ଡାଉନ୍‌ ପୂର୍ବରୁ ଯେଭଳି ୩.୪ ଦିନରେ ଆକ୍ରାନ୍ତଙ୍କ ସଂଖ୍ୟା ଦୁଇଗୁଣା ହେଉଥିଲା ତାହା ଏବେ ୭.୫ ଦିନ ଲାଗୁଛି। ୧୮ ରାଜ୍ୟ ଜାତୀୟ ହାରଠାରୁ ଭଲରେ ଅଛନ୍ତି। ଗତ ୧୦ ଦିନରେ ଆରୋଗ୍ୟ ହାର ଦୁଇଗୁଣା ବୃଦ୍ଧି ପାଇଛି। ଏଥିରୁ ସୂଚିତ ହେଉଛି ଯେ, ଆମର ଅଭିବୃଦ୍ଧି କର୍ଭ ନିମ୍ନମୁଖୀ ହେଉଛି ବୋଲି ଭଟ୍ଟାଚାର୍ଯ୍ୟ କହିଛନ୍ତି। ତେବେ ଚାଇନା ଓ ୟୁରୋପରେ ନିକଟରେ ହୋଇଥିବା ଅଧ୍ୟୟନରୁ ଜଣାପଡ଼ିଛି ଯେ, ପ୍ରଥମ ପର୍ଯ୍ୟାୟରେ ଯେଉଁମାନେ ସୁସ୍ଥ ହୋଇଥିଲେ ସେମାନଙ୍କଠାରେ ପୁଣି କରୋନା ଲେଉଟିବାର ଆଶଙ୍କା ରହିଛି। ତେଣୁ ଦ୍ୱିତୀୟ ପର୍ଯ୍ୟାୟରେ ସଂକ୍ରମଣ ହେଲେ ତାହା ସମଗ୍ର ଜନସଂଖ୍ୟା ପ୍ରତି ବିପଦ ସୃଷ୍ଟି କରିପାରେ ବୋଲି ବୈଜ୍ଞାନିକମାନେ ମତ ଦେଉଛନ୍ତି। ଆଇଆଇଏସ୍‌ସି ଓ ଟାଟା ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଫଣ୍ଡାମେଣ୍ଟାଲ ରିସର୍ଚ୍ଚ (ଟିଆଇଏଫ୍‌ଆର୍‌)ର ମିଳିତ ଅଧ୍ୟୟନ ରିପୋର୍ଟରୁ ଜଣାପଡ଼ିଛି, ଅଲଗା ରହିବା, ଗୃହରେ ଏକାନ୍ତବାସ, ସାମାଜିକ ଦୂରତ୍ୱ ଏବଂ ଲକ୍‌ଡାଉନ ପରବର୍ତ୍ତୀ କଟକଣା ଆଦି ଠିକ୍‌ ଭାବେ ଅନୁସରଣ କରାଯାଇପାରିଲେ କୋଭିଡ୍‌-୧୯କୁ ନିୟନ୍ତ୍ରଣରେ ରଖାଯାଇପାରନ୍ତା। ନ ହେଲେ ଭାରତରେ ଏହା ଲୋକଙ୍କ ସ୍ବାସ୍ଥ୍ୟ ପ୍ରତି ବିପଦ ସୃଷ୍ଟି କରିବ। ଲକ୍‌ଡାଉନ ଜାରି ରହିଥିବାରୁ ଏହା ସମସ୍ତଙ୍କ ପାଇଁ ଏକ ପ୍ରକୃଷ୍ଟ ସମୟ ଆଣିଦେଇଛି। ସେଥିପାଇଁ ଜନସାଧାରଣ ନିଜକୁ ପରୀକ୍ଷା କରିନେବା, ସଂକ୍ରମିତମାନେ ଏକାନ୍ତବାସରେ ରହିବା, ଉତ୍ତମ ସ୍ବାସ୍ଥ୍ୟ ଲାଗି ନିଜକୁ ପ୍ରସ୍ତୁତ କରିବା ଏବଂ ଟିକା ପାଇଁ ଗବେଷଣା ଜୋରଦାର ହେବା ଦରକାର ବୋଲି ସୁନ୍ଦରେସାନ୍‌ କହିଛନ୍ତି।
ଗବେଷକଙ୍କ ମତରେ ସଂକ୍ରମିତ ରୋଗୀ କିମ୍ବା ସନ୍ଦିଗ୍ଧଙ୍କ ସଂସ୍ପର୍ଶରେ ଆସୁଥିବା ବ୍ୟକ୍ତି ନିଶ୍ଚିତ ଭାବେ ଆକ୍ରାନ୍ତ ହୋଇ ଏହା ବଢ଼ାଇବାରେ ସହାୟକ ହୋଇଥାଆନ୍ତି। ଯଦି ଅଧିକାଂଶ ଲୋକଙ୍କ ରୋଗପ୍ରତିରୋଧକ ଶକ୍ତି ବୃଦ୍ଧି ପାଏ, ତାହା ହେଲେ କମ୍‌ ଲୋକ ସନ୍ଦିଗ୍ଧ ରହିବେ ଓ ସଂକ୍ରମଣ ହ୍ରାସ ପାଇବ। ଲକ୍‌ଡାଉନ୍‌ ହଟିବା ପରେ ଯଦି ଲୋକମାନେ କଟକଣାରେ ନ ରହିବେ, ତାହା ହେଲେ ସନ୍ଦିଗ୍ଧ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇ ଦ୍ୱିତୀୟ ପର୍ଯ୍ୟାୟ କରୋନାକୁ ବଢ଼ିବାରେ ଖୋରାକ ଯୋଗାଇବ ବୋଲି ବୈଜ୍ଞାନିକମାନେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

‘ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପୁଣି କ୍ଷମା ମାଗିବାକୁ ପଡ଼ିବ’: କଙ୍ଗନା ରାନାୱତଙ୍କ ମନ୍ତବ୍ୟ ପରେ ପ୍ରଶ୍ନ ଉଠାଇଲେ ରାହୁଲ ଗାନ୍ଧୀ

ଭୁବନେଶ୍ୱର,୨୫।୯: ଭାଜପା ଏମପି ତଥା ବଲିଉଡ ଅଭିନେତ୍ରୀ କଙ୍ଗନା ରଣାୱତଙ୍କ ଚାଷୀଙ୍କ ଉପରେ ମନ୍ତବ୍ୟ ପରେ ରାଜନୈତିକ ବୟାନବାଜି ବନ୍ଦ ହେବାର ନାଁ ନେଉନାହିଁ। କଂଗ୍ରେସ...

ବ୍ୟାଙ୍କରେ କାମ କରୁଥିବାବେଳେ ଚେୟାରରୁ ଖସିପଡ଼ିଲେ ଅଧିକାରୀ, ଚାଲିଗଲା ଜୀବନ

ଲକ୍ଷ୍ନୌ,୨୫ା୯: ବ୍ୟାଙ୍କରେ କାମ କରୁଥିଲେ ଜଣେ ମହିଳା ଅଧିକାରୀ। ହଠାତ୍‌ ଚେୟାରରୁ ଖସିପଡ଼ିଲେ। ଫଳରେ ତାଙ୍କର ମୃତ୍ୟୁ ଘଟିଛି। ଲକ୍ଷ୍ନୌସ୍ଥିତ ଏଚ୍‌ଡିଏଫ୍‌ସି ବ୍ୟାଙ୍କର ଅତିରିକ୍ତ ଡେପୁଟି...

ହାଇକୋର୍ଟ ବିଚାରପତିଙ୍କ ଉପରେ ବର୍ଷିଲେ ସିଜେଆଇ ଚନ୍ଦ୍ରଚୂଡ, କହିଲେ ଭାରତର କୌଣସି ବି ଅଞ୍ଚଳକୁ ‘ପାକିସ୍ତାନ’ କହିପାରିବେ ନାହିଁ…

ନୂଆଦିଲ୍ଲୀ,୨୫।୯: ନିକଟରେ ହୋଇଥିବା ଏକ ଶୁଣାଣି ସମୟରେ ବେଙ୍ଗାଲୁରୁର ଏକ ଅଞ୍ଚଳକୁ ‘ପାକିସ୍ତାନ’ ବୋଲି ସମ୍ବୋଧନ କରି ବିବାଦୀୟ ମନ୍ତବ୍ୟ ଦେଇଥବା କର୍ନାଟକ ହାଇକୋର୍ଟର ବିଚାରପତି...

ଭରତପୁର ଘଟଣାକୁ ନେଇ ମୁହାଁମୁହିଁ ହେଲେ ପୂର୍ବତନ ସେନା ମୁଖ୍ୟ ଓ ସିବିଆଇ ଅଧିକାରୀ, ଟାର୍ଗେଟରେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୫।୯: ଭରତପୁର ଘଟଣାକୁ ନେଇ କେବଳ ରାଜ୍ୟ ରାଜନୀତି ନୁହେଁ ପୁରା ଜାତୀୟ ରାଜନୀତି ଉଠୁଛି ପଡୁଛି। ମେଜରଙ୍କ ବାନ୍ଧବୀଙ୍କୁ ଥାନାରେ ଯୌନ ନିର୍ଯ୍ୟାତନା ଦେବା...

‘କବଚ ୪.୦’ ଟ୍ରାଏଲ ରନ୍‌ ଯାଞ୍ଚ କଲେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ

ନୂଆଦିଲ୍ଲୀ,୨୫।୯: କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ସୱାଇ ମାଧୋପୁରରେ ଅଟୋମେଟିକ ଟ୍ରେନ ସୁରକ୍ଷା ସିଷ୍ଟମ କବଚ ୪.୦ର ଟ୍ରାଏଲ ରନ କରିଛନ୍ତି। ସୱାଇ ମାଧୋପୁର ଏବଂ...

ମହିଳା ଭଡ଼ାଟିଆଙ୍କ ପାଇଖାନା, ବେଡ୍‌ରୁମ୍‌ରେ ଗୁପ୍ତ କ୍ୟାମେରା ଲଗାଇଥିଲେ ମାଲିକଙ୍କ ପୁଅ: ଆଉ ତା’ପରେ…

ନୂଆଦିଲ୍ଲୀ,୨୫ା୯:ମହିଳା ଭଡ଼ାଟିଆଙ୍କ ଭିଡିଓ ପ୍ରସ୍ତୁତ କରିବାକୁ ତାଙ୍କ ବେଡ୍‌ରୁମ୍‌ ଓ ପାଇଖାନାରେ ଦିଲ୍ଲୀ ଶାକରପୁର ଅଞ୍ଚଳର ଜଣେ ୩୦ ବର୍ଷୀୟ ଯୁବକ ଗୋପନରେ ସ୍ପାଏ କ୍ୟାମେରା...

୧୦ ମାସର ଶିଶୁକୁ ବଳାତ୍କାର: ରକ୍ତାକ୍ତ ଅବସ୍ଥାରେ ଉଦ୍ଧାର

ଭାରୁଚ,୨୫ା୯:ଗୁଜରାଟର ଭାରୁଚ୍‌ ଜିଲାରେ ରବିବାର ଆଉ ଏକ ଲଜ୍ଜାଜନକ ଘଟଣା ଘଟିଛି। ଜିଲାର ପାନୋଲି ଗ୍ରାମରେ ଏକ ୧୦ମାସର ଶିଶୁଙ୍କୁ ବଳାତ୍କାର କରାଯାଇଛି। ପିଲାଟି ଘର...

କଙ୍ଗନାଙ୍କ ୟୁ-ଟର୍ନ: ଚାପ ବଢିବାରୁ ବଦଳାଇଲେ ମତ

ନୂଆଦିଲ୍ଲୀ,୨୫।୯: ବଲିଉଡ ଅଭିନେତ୍ରୀ ତଥା ଏମ୍‌ପି କଙ୍ଗନା ରାଣାଓ୍ବତଙ୍କ ‘କୃଷି ଆଇନ ଫେରାଇ ଆଣିବା’ ବିବୃତ୍ତିରୁ ଭାଜପା ନିଜକୁ ଦୂରେଇ ରଖିଛି। ଭାଜପା ମୁଖପାତ୍ର ଗୌରବ...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri