ଉଜୈନ,୬।୧୦: ଏବେ ସାରା ଦେଶ ନବରାତ୍ର ପାଇଁ ଉତ୍ସବମୁଖର ହୋଇଉଠିଛି। ଏହି ନଅ ଦିନରେ ମଧ୍ୟରେ ମା’ଙ୍କୁ ନଅଟି ଭିନ୍ନ ଭିନ୍ନ ରୂପରେ ପୂଜା କରାଯାଏ। ମଧ୍ୟ ପ୍ରଦେଶର ଉଜୈନରେ ମଧ୍ୟ ନବରାତ୍ର ଖବ୍ ଧୂମ୍ଧାମ୍ରେ ପାଳନ କରାଯାଏ। ଏଠାରେ ଥିବା ପ୍ରସିଦ୍ଧ ୨୪ ଖମ୍ବା ମାତା ମନ୍ଦିରରେ ମହାଷ୍ଟମୀ ଅବସରରେ ପାରମ୍ପରିକ ନଗର ପୂଜା ଆୟୋଜନ କରାଯାଇଥିଲା। ଶ୍ରଦ୍ଧାଳୁ ୨୭ କିମି ପର୍ଯ୍ୟନ୍ତ ପାଦରେ ଚାଲିଯାଥିଲେ। ପରମ୍ପରା ଅନୁସାରେ ଏଠାରେ ମା’ଙ୍କ ପାଖରେ ମଦକୁ ପ୍ରସାଦ ଭାବେ ଚଢାଯାଇଥିଲା। ଯାହାକୁ ସବୁ ଶ୍ରଦ୍ଧାଳୁ ପ୍ରସାଦ ଭାବେ ପାଇଥିଲେ। ସ୍ଥାନୀୟ ଲୋକଙ୍କ କହିବା ଅନୁଯାୟୀ ରାଜା ବିକ୍ରମାଦିତ୍ୟଙ୍କ ସମୟରୁ ଏହି ପୂଜାବିଧି ରହିଆସିଛି। ନଗର ଶାନ୍ତି ପାଇଁ ରାଜା ସେତେବେଳେ ଦୁର୍ଗାଙ୍କୁ ମଦ ଭୋଗ ଲଗାଯାଉଥିଲା। ଏହାକୁ ମାନି ଆଜି ପର୍ଯ୍ୟନ୍ତ ମା’ଙ୍କୁ ମଦ ଭୋଗ ଲଗାଯାଏ।
