ନିମାପଡ଼ା,୧୮ା୪(ଡି.ଏନ.ଏ): ଚାରିଛକ ଫାଣ୍ଡି ଅନ୍ତର୍ଗତ ଦାଣ୍ଡିଆପଡ଼ା ଗ୍ରାମର ମଲ୍ଳିକା ଭୋଇ ନାମ୍ନୀ ବଧୂଙ୍କୁ ଯୌତୁକ ଦାବିରେ ନିର୍ଯାତନା ଦେବା ସହ ଆକ୍ରମଣ କରିବା ଅଭିଯୋଗରେ ୪ଜଣଙ୍କୁ ପୋଲିସ ଶୁକ୍ରବାର ଗିରଫ କରିଛି। ସେମାନେ ହେଲେ ମଲ୍ଲିକାଙ୍କ ସ୍ବାମୀ ମାଧବ ଭୋଇ, ଦେଢଶୁର ମିଟୁଆ ଭୋଇ, ରାଜକିଶୋର କାଣ୍ଡି, ସାଗର କାଣ୍ଡି। ସୂଚନା ଅନୁଯାୟୀ, ମଲ୍ଲିକାଙ୍କୁ ଗତ ୧୫ ତାରିଖରେ ଶାଶୁ, ଯାଆ, ଦେଢଶୁର ପ୍ରମୁଖ ନିସ୍ତୁକ ମାଡ ମାରିଥିଲେ। ମଲ୍ଲିକାଙ୍କ ବାପା ଓ ଭାଇ ତାଙ୍କ ଶାଶୁ ଘରେ ପହଞ୍ଚତ୍ ପଚାରିବାରୁ ଶାଶୁଘର ଲୋକେ ସେମାନଙ୍କୁ ଗାଲିଗୁଲଜ କରି ମାଡ଼ ମାରିଥିଲେ। ଏ ନେଇ ମଲ୍ଲିକା ଗତ ବୁଧବାର ଥାନାରେ ଅଭିଯୋଗ କରିଥିଲେ। ପୋଲିସ କେସ୍ ନଂ.୯୦/୨୦ ରୁଜୁ କରିଥିଲା। ଅନ୍ୟପକ୍ଷରେ ଯାଆ କୁନି ଭୋଇଙ୍କୁ ମଲ୍ଳିକାଙ୍କ ବାପା ଓ ଭାଇ ଦୁର୍ବ୍ୟବହାର ପ୍ରଦର୍ଶନ କରିବା ସହ ତାଙ୍କୁ ଓ ତାଙ୍କ ସ୍ବାମୀଙ୍କୁ ହତ୍ୟା ଧମକ ଦେଇଥିବା ଚାରିଛକ ଫାଣ୍ଡିରେ ପାଲଟା ଅଭିଯୋଗ ହୋଇଛି। ପୋଲିସ କେସ୍ ନଂ. ୮୯/୨୦ ରୁଜୁ କରିଛି।
