ଭଉଣୀ ଭାଇର ପବିତ୍ର ସମ୍ପର୍କକୁ ସୁଦୃଢ଼ କରିଥାଏ ରାକ୍ଷୀ। ତେବେ ଏହି ରାକ୍ଷୀପୂର୍ଣ୍ଣିମାକୁ ସବୁ ଭାଇଭଉଣୀ ଉତ୍ସୁକତାର ସହ ଅପେକ୍ଷା କରିଥାନ୍ତି। ରକ୍ଷାବନ୍ଧନ ଆସିଗଲେ ବଜାରରେ ରାକ୍ଷୀ, ମିଠା, ଚକୋଲେଟ ସହ ଗିଫ୍ଟ ଦୋକାନରେ ପ୍ରବଳ ଭିଡ଼ ଦେଖିବାକୁ ମିଳେ। କାରଣ ରକ୍ଷାକବଚ ଭାବି ଭଉଣୀଟିଏ ପବିତ୍ର ଡୋରୀକୁ ଭାଇଙ୍କ ହାତରେ ବାନ୍ଧି ଦେଇଥାନ୍ତି। ଏହାର ପ୍ରତିବଦଳରେ ଭଉଣୀଟି ସ୍ନେହରେ କିଛି ଗିଫ୍ଟ ଚାହିଁଥାନ୍ତି ଭାଇଙ୍କଠାରୁ।
ଅନେକ ଭାଇ ଅଛନ୍ତି ସେମାନେ ଭଉଣୀଙ୍କୁ ଗିଫ୍ଟ ଦେବାକୁ ଚାହୁଁଥିଲେ ମଧ୍ୟ କେଉଁ ଗିପ୍ଟ ଦେଲେ ଭଉଣୀଟିଏ ଖୁସି ହେବ ସେନେଇ ଦ୍ୱନ୍ଦ୍ୱରେ ପଡ଼ିଥାନ୍ତି। ତେବେ ଜାଣନ୍ତୁ କେଉଁ ଉପହାର ଦେବେ ଭଉଣୀଙ୍କୁ…
ଉପହାର ଦେବା ସମୟରେ ନଜର ରଖିବେ ଭଉଣୀଙ୍କୁ କ’ଣ ପସନ୍ଦ ହୋଇଥାଏ। ଯାହା ଦେବା ଫଳରେ ସେ ଅଧିକ ଖୁସି ହୋଇପାରିବେ।
ଯାନ୍ତ୍ରିକ ଉପକରଣ ବା ଲାପଟପ୍: ଆପଣ ଯଦି ଦାମୀ ଉପହାର ଦେବାକୁ ଚାହୁଁଛନ୍ତି ଲାପଟପ୍ ଦେଇ ପାରିବେ। କାରଣ ଟେକ୍ନିକାଲ ଯୁଗରେ ଏହି ସାମଗ୍ରୀ ବେଶୀ ଦରକାରରେ ଆସିଥାଏ। ଏହାଠୁ ଅଧିକ ଦାମୀ ଜିନିଷ ଦେବାକୁ ଚାହୁଁଥିଲେ ଗାଡ଼ି ମଧ୍ୟ ଦେଇପାରିବେ।
ବର୍ତ୍ତମାନ ସମୟରେ ନିତ୍ୟବ୍ୟବହାର୍ଯ୍ୟ ସାମଗ୍ରୀ ଯଥା ସନ୍ ଗ୍ଲାସ, ପରଫ୍ୟୁମ, ଘଣ୍ଟା ଆଦି ଗିଫ୍ଟ କରିପାରିବେ। ଏଥିରେ ସେମାନେ ଅଧିକ ଖୁସି ହେବେ।
ସ୍ବାସ୍ଥ୍ୟ କିମ୍ବା ଜୀବନ ବୀମା : ଏହା ସବୁଠୁ ମହତ୍ତ୍ୱପୂର୍ଣ୍ଣ ଉପହାର। ଯାହା ସବୁଦିନ ପାଇଁ ମନେ ରହିବ। ଭଉଣୀ କିମ୍ବା ଭାଇଙ୍କ ଭବିଷ୍ୟତରେ କାର୍ଯ୍ୟରେ ଆସିବ।
