ଓଡ଼ଗାଁ,୧।୧୨(ସ୍ବ.ପ୍ର.): ନୟାଗଡ଼ ଜିଲା ଓଡ଼ଗାଁ ବନାଞ୍ଚଳ କର୍ମଚାରୀମାନେ ଶନିବାର ରାତିରେ ପାଟ୍ରୋଲିଂ କରୁଥିବା ବେଳେ ଚେମେଡୀ -ସୁନୁସୁନିଆ ରାସ୍ତାରୁ
ଏକ କଣ୍ଟା ବାଉଁଶ ବୋଝେଇ ମିନିଟ୍ରକ୍ ଜବତ କରିଛନ୍ତି। ଜବତ ମିନିଟ୍ରକ୍ (ଓଡି ୨୫ଏ ୮୦୭୬)ରେ ୯୩ଟି କଣ୍ଟା ବାଉଁଶ ଚାଲାଣ ହେଉଥିବା ବେଳେ ବନ ବିଭାଗ କର୍ମଚାରୀମାନେ ଉକ୍ତ ରାସ୍ତାରେ କାବୁ କରିଥିଲେ। ପାଟ୍ରୋଲିଂ ଗାଡ଼ି ଦେଖି ଟ୍ରକ୍ ଚାଳକ ଓ ତାଙ୍କ ସହଯୋଗୀ ଫେରାର ହୋଇଯାଇଥିଲେ। ତେବେ ଜବତ ଗାଡ଼ିର ୨୦୧୦ରୁ ବୀମା ଓ ୨୦୧୪ରୁ ଫିଟ୍ନେସ ଓ ପ୍ରଦୂଷଣ ପ୍ରମାଣପତ୍ର ନ ଥିବା ଜଣାପଡ଼ିଛି। ଚଢ଼ାଉରେ ରେଞ୍ଜର ଜ୍ୟୋତିରଞ୍ଜନ ମାନସିଂହ, ବନରକ୍ଷୀ ପବିତ୍ର ପରିଡା ଓ ଅଶୋକ ମୁଦୁଲି ପ୍ରମୁଖ ସାମିଲ ଥିଲେ।
