ପାଟଣା,୨୧ା୫(ସ୍ବ.ପ୍ର.): ରାତି ପାହିଲେ ସାବିତ୍ରୀ ବ୍ରତ। ଏନେଇ କେନ୍ଦୁଝର ଜିଲା ପାଟଣା ଅଞ୍ଚଳର ତୁରୁମୁଙ୍ଗା ଓ ସାହାରପଡ଼ା ବଜାରସ୍ଥିତ ଫଳ ଦୋକାନଗୁଡିକରେ ଗୁରୁବାର ନାହିଁ ନ ଥିବା ଭିଡ଼ ଦେଖିବାକୁ ମିଳିଛି । ଚଳିତବର୍ଷ ଜ୍ୟୋଷ୍ଠ ମାସରେ ଗୁଳୁଗୁଳି ବଢ଼ି ନ ଥିବାରୁ ସ୍ବାଭାବିକ ଭାବେ ଆମ୍ବ, ପଣସ ଓ ଲିଚୁ ଆଦି ସ୍ଥାନୀୟ ଅଞ୍ଚଳରେ ପାଚିପାରି ନାହିଁ। ଏପଟେ ଲକ୍ଡାଉନ୍ କଟକଣା ଯୋଗୁ ଚଢ଼ା ଦରରେ ବାହାର ରାଜ୍ୟରୁ ଆମ୍ବ , ଲିଚୁ, କଦଳୀ, ସେଓ ଏବଂ ଅଙ୍ଗୁର ଆସୁଥିବାରୁ ଫଳ ଦର ମଧ୍ୟ ଢେର ଅଧିକ ରହିଥିବା ଜଣେ ଫଳଦୋକାନୀ ପ୍ରକାଶ କରିଛନ୍ତି। ପାଟଣା ଅଞ୍ଚଳରେ ଆମ୍ବ କିଲୋପିଛା ୧୦୦-୧୨୦, ସେଓ ୧୦୦-୨୦୦, ଅଙ୍ଗୁର ୧୨୦-୧୪୦, ଲିଚୁ ୧୪୦-୧୬୦ରେ ବିକ୍ରି ହେଉଛି।
