ସୁନାବେଡ଼ା/ସେମିଳିଗୁଡ଼ା,୧୮ା୪(ସ୍ବ.ପ୍ର.): କରୋନା ମୁକାବିଲା ପାଇଁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ଅନେକ ଲୋକ ସହାୟତାର ହାତ ବଢ଼ାଉଛନ୍ତି। କୋରାପୁଟ ଜିଲା ସୁନାବେଡ଼ା ମିଗନଗରୀସ୍ଥିତ ଭିଏସ୍ ବିଦ୍ୟାଳୟର ସମସ୍ତ ଶିକ୍ଷୟିତ୍ରୀ, ଶିକ୍ଷକ ତଥା ଶିକ୍ଷା କର୍ମଚାରୀ କରୋନା ପାଇଁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ଏକ ଲକ୍ଷ ଟଙ୍କାର ସହାୟତା ରାଶି ପ୍ରଦାନ କରିଛନ୍ତି। ବିଦ୍ୟାଳୟ ସମ୍ପାଦକ ତନବୀର ଆଲମ, ଅଧ୍ୟକ୍ଷ ହେମନ୍ତ ସେଠ, ଲାଇବ୍ରେରିଆନ ଶେଖ ଇବ୍ରାହିମ ଏକ ଲକ୍ଷ ଟଙ୍କାର ସହାୟତା ରାଶି ଡ୍ରାଫ୍ଟ ମାଧ୍ୟମରେ କୋରାପୁଟ ଜିଲାପାଳ ମଧୁସୂଦନ ମିଶ୍ରଙ୍କୁ ପ୍ରଦାନ କରିଛନ୍ତି। ସେହିପରି ସେମିଳିଗୁଡ଼ା ଟେନଷ୍ଟାର ଗ୍ରୁପ ସଭାପତି କମୁଳୁ ମୁଣ୍ଡାଗାଡ଼ିଆ ଓ କର୍ମକର୍ତ୍ତା ୧୦ ହଜାର ଟଙ୍କାର ଚେକ ବିଡିଓ ସବ୍ୟସାଚୀ ବେହେରାଙ୍କୁ ପ୍ରଦାନ କରିଛନ୍ତି l
