ନୂଆଦିଲ୍ଲୀ, ୪ା୩ (ପି.ଟି.)-ଭାରତର ଷ୍ଟାର ଓପନର ରୋହିତ ଶର୍ମାଙ୍କ ସମ୍ମାନାର୍ଥେ ମଙ୍ଗଳବାର ସ୍ପେନ୍ର ମାଡ୍ରିଡ୍ ଅନ୍ତର୍ଗତ ସାଣ୍ଟିଆଗୋଠାରେ ତାଙ୍କୁ ସ୍ପାନିଶ ଫୁଟ୍ବଲ ଟିମ୍ ରିୟଲ ମାଡ୍ରିଡ୍ ଜର୍ସି ପ୍ରଦାନ କରାଯାଇଛି। ଫୁଟ୍ବଲ କ୍ଲବର ଇନଷ୍ଟିଚ୍ୟୁଶନାଲ ରିଲେଶନ ଡାଇରେକ୍ଟର ତଥା ଭାରତରେ ଲା ଲିଗା ଆମ୍ବାସାଡର ଏମିଲିଓ ବୁଟ୍ରାଜିନୋ ସାଣ୍ଟୋସ୍ ଶର୍ମାଙ୍କୁ ଏହି ଜର୍ସି ପ୍ରଦାନ କରିଥିଲେ। ଜର୍ସି ସହ ଭାରତୀୟ ଷ୍ଟାର ଓପନରଙ୍କ ଏକ ଫଟୋ ରିୟଲ ମାଡ୍ରିଡ୍ ଏହାର ସୋସିଆଲ ମିଡିଆରେ ପୋଷ୍ଟ ହୋଇଛି। ରୋହିତ ଏହି ଅବସରରେ ରବିବାର ସାଣ୍ଟିଆଗୋର ବର୍ନାବେଉ ଷ୍ଟାଡିୟମରେ ବାର୍ସିଲୋନା ବିପକ୍ଷରେ ରିୟଲ ମାଡ୍ରିଡ୍ର ୨-୦ଗୋଲରେ ବିଜୟ ମ୍ୟାଚ ଦେଖିବାର ସୁଯୋଗ ପାଇଛନ୍ତି। ଏଥିପାଇଁ ସେ କ୍ଲବ କର୍ତ୍ତୃପକ୍ଷଙ୍କ ଧନ୍ୟବାଦ ଦେଇଛନ୍ତି। ସୂଚନାଯୋଗ୍ୟ, ପେଣ୍ଡାରେ ଇଞ୍ଜୁରି ପାଇଁ ଭାରତୀୟ ଦିନିକିଆ ଓ ଟି୨୦ ଦଳର ଉପ ଅଧିନାୟକ ରୋହିତ ନ୍ୟୁଜିଲାଣ୍ଡ ବିପକ୍ଷ ଦିନିକିଆ ଓ ଟେଷ୍ଟ ସିରିଜରୁ ବାଦ୍ ପଡ଼ିଥିଲେ। ବର୍ତ୍ତମାନ ସେ ତାଙ୍କ ପରିବାର ସହ ସ୍ପେନରେ ଛୁଟି କଟାଉଛନ୍ତି।
