ନୂଆଦିଲ୍ଲୀ,୪। ୫: ଲକ୍ଡାଉନ ସମୟରେ ଗ୍ରାମୀଣ ଅର୍ଥ ବ୍ୟବସ୍ଥାକୁ ଗତି ଏବଂ ଲୋକଙ୍କୁ ରୋଜଗାର ପ୍ରଦାନ କରିବା ଲାଗି ମହାତ୍ମା ଗାନ୍ଧୀ ନ୍ୟାଶନାଲ ରୁରାଲ ଏମ୍ପ୍ଲୟମେଣ୍ଟ ଗ୍ୟାରେଣ୍ଟି(ଏମ୍ଜିଏନ୍ଆର୍ଇଜିଏ)ଦ୍ୱାରା ସରକାର ପଦକ୍ଷେପ ନେବେ ବୋଲି ଜଣାପଡିଛି। ଏହି କାର୍ଯ୍ୟକ୍ରମ ଅଧୀନ ଛୋଟଛୋଟ ନଦୀଗୁଡିକୁ ପୁନର୍ଜୀବନ କାର୍ଯ୍ୟକୁ ଆଗକୁ ବଢାଇବା ନେଇ ସରକାର ନିଷ୍ପତ୍ତି ନେଇଛନ୍ତି। ପ୍ରାରମ୍ଭିକ ପର୍ଯ୍ୟାୟରେ ଏହି କାର୍ଯ୍ୟକୁ ଗଙ୍ଗା ନଦୀରୁ ଆରମ୍ଭ କରାଯାଇଛି। ପର୍ଯ୍ୟାୟ ଭିତ୍ତିରେ ଏହାକୁ ଉପକୂଳବର୍ତ୍ତୀ ରାଜ୍ୟ ଏବଂ ଅନ୍ୟ ଜିଲାକୁ ସମ୍ପ୍ରସାରଣ କରାଯିବ। ନଦୀଗୁଡିକ ଏବେ ପୋତି ହୋଇ ଯାଉଥିବାରୁ ଜଳ ନିଷ୍କାସନରେ ସମସ୍ୟା ଏବଂ ପ୍ରଦୂଷଣ ଭଳି ପ୍ରମୁଖ ସମସ୍ୟା ଦେଖାଯାଉଛି। ଲୋକଙ୍କୁ ଏ କ୍ଷେତ୍ରଗୁଡିକରେ କାମ କରିବାକୁ ସରକାର ସୁଯୋଗ ପ୍ରଦାନ କରିବେ।
