ଓ୍ବାଶିଂଟନ୍: କରୋନା ଭୂତାଣୁ ଯୋଗୁ ବିଶ୍ୱବ୍ୟାପୀ କରାଯାଇଥିବା ଲକ୍ଡାଉନ୍ରେ ଅନେକ ଲୋକ ବିଭିନ୍ନ ସ୍ଥାନରେ ଫସି ରହିଛନ୍ତି। ଏମିତି ସମୟରେ ଫସିଛନ୍ତି ଇଂଲଣ୍ଡର ଏକ ଦମ୍ପତି। ଏହି ଦମ୍ପତି ବିଶ୍ୱ ଭ୍ରମଣରେ ବାହାରିଥିଲେ। ମାତ୍ର ଚାରିଆଡ଼େ ଲକ୍ଡାଉନ୍ ହୋଇଥିବାରୁ ସେମାନେ ବର୍ତ୍ତମାନ ଆମେରିକାର ମିଆଁମାରରେ ଫସି ରହିଛନ୍ତି। ଏ ପରିସ୍ଥିତିରେ ସେମାନେ ନିଜ କାରକୁ ଘର କରିନେଇଛନ୍ତି। କାରଣ ଏହା ବ୍ୟତୀତ ତାଙ୍କ ନିକଟରେ ଅନ୍ୟ କୌଣସି ବିକଳ୍ପ ନ ଥିଲା।
ଦମ୍ପତିଙ୍କ ନାମ ଆଲ୍ଡୋ ଜିଆକିଣ୍ଟୋ ଏବଂ ଭେରା କୋଜଲୋଭାସ୍କାଇ। ତାଙ୍କ କାର୍ ଗତ ଦୁଇ ସପ୍ତାହ ଧରି ମିଆଁମାରର ୱାଲମାର୍ଟ ପାର୍କିଂ ସ୍ଥାନରେ ରହିଥିଲା। କାର୍ରେ ଏକ ଛୋଟ ରୋଷେଇ ଘର ଅଛି। ଯେଉଁଥିରେ ସେ ରୋଷେଇ କରୁଛନ୍ତି। ଆଲ୍ଡୋଙ୍କ କହିବା ଅନୁଯାୟୀ, ସେମାନଙ୍କ ପାଖରେ ପର୍ଯ୍ୟାପ୍ତ ପରିମାଣର ରାଶନ ସାମଗ୍ରୀ ରହିଛି। ଏହା ବ୍ୟତୀତ କାର୍ ଭିତରେ ଏକ ଛୋଟ ବେଡ୍ ରହିଛି। ଯେଉଁଥିରେ ସେ ଶୋଉଛନ୍ତି। ଆଲଡୋ କହିଛନ୍ତି, ଲକ୍ଡାଉନ୍ ଯୋଗୁ ତାଙ୍କ ଜୀବନରେ କିଛି ପରିବର୍ତ୍ତନ ହୋଇନାହିଁ। ସେ ଏହା ମଧ୍ୟ କହିଛନ୍ତି ଯେ, ବର୍ତ୍ତମାନ ସମୟରେ ଉଭୟ ସ୍ବାମୀ-ସ୍ତ୍ରୀ ସୁସ୍ଥ ଅଛନ୍ତି।
ବାସ୍ତବରେ, ଆଲ୍ଡୋ ପେସାରେ ଜଣେ ରୋଷେୟା। ସେ ଇଂଲଣ୍ଡରେ ଏକ ‘ଫିସ୍ ଆଣ୍ଡ୍ ଚିସ୍ପ’ ରେଷ୍ଟୁରାଣ୍ଟର ମାଲିକ। ଏହି ସମୟରେ ତାଙ୍କ ସ୍ତ୍ରୀ ଭେରା ଆଇଟି କ୍ଷେତ୍ରରେ ଥିଲେ। ୨୦୧୬ରେ ସେ ଚାକିରି ଛାଡ଼ି ବିଶ୍ୱ ଭ୍ରମଣରେ ବାହାରିଥିଲେ। ବର୍ତ୍ତମାନ ପର୍ଯ୍ୟନ୍ତ ଏହି ଦମ୍ପତି ୫୦ଟି ଦେଶ ବୁଲିସାରିଛନ୍ତି। ଲକ୍ଡାଉନ୍ ଶେଷ ହେଲେ ସେମାନେ ପୁଣି ଯାତ୍ରା ଆରମ୍ଭ କରିବେ ବୋଲି କହିଛନ୍ତି।
