ଫିରିଙ୍ଗିଆ,୨୬ା୩-କରୋନା ଲାଗି ରାଜ୍ୟ ଲକ୍ଡାଉନରେ ଥିବା ବେଳେ ଗଞ୍ଜେଇ ଚାଲାଣକାରୀ ସକ୍ରିୟ ହୋଇଉଠିଛନ୍ତି। ପୋଲିସର ବ୍ଲକିଂକୁ ଚକମା ଦେଇ ଗଞ୍ଜେଇ ଚାଲାଣ କରାଯାଉଥିବା ବେଳେ ଫିରିଙ୍ଗିଆ ପୋଲିସ ତାହାକୁ ପଣ୍ଡ କରିଛି। ଏକ କାର୍ରୁ ୨୧ କି.ଗ୍ରା. ଗଞ୍ଜେଇ ଜବତ କରିବା ସହ ୨ ମହିଳାଙ୍କ ସମେତ ୪ ଜଣଙ୍କୁ ଗିରଫ କରିଛି। ସେମାନେ ହେଲେ ଫୁଲବାଣୀ ସଦର ଥାନା କୁମୁରିଗୁଡାର ଅଜିତ୍ ଦିଗାଲ, ଫିରିଙ୍ଗିଆ ଥାନା ଶ୍ରୀପଲା ଅଞ୍ଚଳର ନୃସିଂହ କହଁର, କଳ୍ପନା କହଁର ଓ ରଚନା କହଁର। କାର (ନଂ.ଓଆର ୦୫ ଏଏସ୍ ୮୩୯୩)ରେ ଗଞ୍ଜେଇ କଟକ ଚାଲାଣ ହେଉଥିବା ପୋଲିସକୁ ଖବର ମିଳିଥିଲା। ରାସ୍ତାରେ ପୋଲିସ ଉକ୍ତ କାର୍ ଅଟକାଇ ଯାଞ୍ଚ କରିବାରୁ ଗଞ୍ଜେଇ ମିଳିଥିଲା। ଏ ନେଇ ନଂ. ୨୬/୨୦ରେ ମାମଲା ରୁଜୁ ହୋଇଛି।
