ଚୌଦ୍ୱାର,୩୧ା୩(ଡି.ଏନ୍.ଏ)- କରୋନା ସଂକ୍ରମଣକୁ ରୋକିବା ଲାଗି ସରକାର କରିଥିବା ଲକ୍ଡାଉନ ଘୋଷଣାକୁ ମଙ୍ଗଳବାର ୭ଦିନ ହୋଇଯାଇଛି। ଇତି ମଧ୍ୟରେ ଗଣମାଧ୍ୟମଠାରୁ ଆରମ୍ଭ କରି ସରକାରୀସ୍ତରରେ ସଚେତନତା କରିବା ସହ ଘରେ ରହିବାକୁ ନିବେଦନ କରାଯାଉଛି। କିନ୍ତୁ ଏହି ଲକଡାଉନ କଟକଣାକୁ ଫୁ କରି ଚୌଦ୍ୱାର ଅଞ୍ଚଳର ଓଟିଏମ୍ ପରିବା ମାର୍କେଟରେ କେତେକ ବ୍ୟବସାୟୀ, ଲୋକ ହାଟରେ ଭିଡ଼ କରୁଛନ୍ତି। ସାମାଜିକ ଦୂରତା ନ ରଖିବାବେଳେ ପ୍ରାୟ ବ୍ୟବସାୟୀ ବିନା ବ୍ୟବଧାନରେ ବେପାର କରିବା ଭଳି ଦେଖାଯାଇଛି। ଫଳରେ ଲୋକମାନେ ମଧ୍ୟ ମନଇଚ୍ଛା ଭିଡ଼ କରି ଯିବାଆସିବା କରିବା ସହ ନିୟମକୁ ବେଖାତିର କରୁଛନ୍ତି। ଗତ କିଛିଦିନ ତଳେ ପୌରପାଳିକା ଓ ଚୌଦ୍ୱାର କମିଶନରେଟ ପୋଲିସର ମିଳିତ ଉଦ୍ୟମରେ ପରିବା ମାର୍କେଟରେ ଜନଗହଳି ହେଉଥିବା ଲକ୍ଷ୍ୟ ରଖି ସେହି ବଜାରର ପରିବା ବ୍ୟବସାୟୀ ମାନଙ୍କ ପାଇଁ ୫୫ନଂ ଜାତୀୟ ରାଜପଥ କଡରେ ଥିବା ଜାଗା ଚିହ୍ନଟ କରି ସେଠାରେ ବ୍ୟବସାୟ କରିବା ପାଇଁ ନିର୍ଦ୍ଦେଶ ଦେଇଥିଲେ। ଏଥିରେ ବ୍ୟବସାୟ କରୁଥିବା ଦେକାନୀ ଓ ଗ୍ରାହକଙ୍କ ମଧ୍ୟରେ ସମଦୂରତା ରକ୍ଷା ହେବା ସହିତ ଗହଳି ଲାଗି ରହିବ ନାହଁି ା ଏଥି ସହିତ ଦୋକାନ ସାମନାରେ ଗୋଲ ବୁଲାଯିବା ଓ ଧାଡି ହୋଇ ଗ୍ରାହକଙ୍କୁ ସରୁଖୁରୁରେ ପରିବା ଦେଇହେବ। ହେଲେ ଏସବୁ ନିୟମକୁ ହେୟ ମନେକରି କିଛି ଦୋକାନୀ ଚିରାଚରିତ ଢଙ୍ଗରେ କାରବାର କରୁଛନ୍ତି। ଏଭଳି ପରିସ୍ଥିତ ଲାଗିରହିଲେ ଚୌଦ୍ୱାରରେ ଭୂତାଣ ବ୍ୟାପିବାର ଆଶଙ୍କା ରହିଛି। ସ୍ଥାନୀୟ ପ୍ରଶାସନ ଏ ଦିଗରେ ଦୃଷ୍ଟି ଦେବାକୁ ଅଞ୍ଚଳବାସୀଙ୍କ ତରଫରୁ ଦାବି ହେଉଛି।
