ପାଇକମାଲ, ୧୯।୪ (ଡି.ଏନ.ଏ.)- ପାଇକମାଲ ପୋଲିସ ୩ଟି ସ୍ଥାନରୁ ଚଢ଼ାଉ କରି ୧୭୦ ଲିଟର ଦେଶୀ ରନ୍ଧା ମଦ ଜବତ କରିଛି । ଏହି ଘଟଣାରେ ୧୧ ଜଣଙ୍କୁ ଗିରଫ କରାଯାଇଛି। ସେମାନେ ହେଲେ ପାଇକମାଲ ଥାନା ନିଲାଥର ଗ୍ରାମର ଆନନ୍ଦ ସାହୁ (୨୪), କେନାବୁଦା ଗ୍ରାମର ଶ୍ୟାମସୁନ୍ଦର ଧରୁଆ (୫୬),ଝାରବନ୍ଧ ବ୍ଲକ ତୁର୍ଲା ଗ୍ରାମର ପଞ୍ଚାନନ ବେହେରା (୩୦),ଖଗେଶ୍ୱର ବେହେରା (୨୪), ଲହଙ୍ଗିର ଗ୍ରାମର ଅକ୍ଷୟ ସାହୁ (୩୫), ରୋହିତ ଛତ୍ରିଆ (୨୫), ଫେଜରପୁର ଗ୍ରାମର ରମାକାନ୍ତ ସାହୁ (୩୫), ମାୟାରାମ ସୋନି (୩୩), ସୁରେଶ ଲୁହାର (୩୭), ବଇଦପାଲିର ଦିନେଶ ଭୋଇ (୧୯), ନିର୍ମଳ ପ୍ରଧାନ (୨୬)। ଦେଶୀ ମଦ ଭାଟି ବନ୍ଦ ଓ ଲକ୍ ଡାଉନ ଯୋଗୁ ରାତ୍ରିରେ ଅଭିଯୁକ୍ତମାନେ ଫେଜରପୁର ଅଞ୍ଚଳରେ ଦେଶୀ ରନ୍ଧାମଦ କାରବାର ଚଳାଇଥିଲେ । ଏ ନେଇ ୩ଟି ମାମଲା(ନଂ. ୬୧/୬୨/୬୩/୨୦୨୦) ରୁଜୁ ହୋଇଛି । ସେମାନଙ୍କ ପାଖରୁ ୧୭୦ ଲିଟର ଦେଶୀ ରନ୍ଧା ମଦ, ୭ଟି ବାଇକ, ଟ୍ୟୁବ୍, ପ୍ଲାଷ୍ଟିକ ଡ୍ରମ, ପଲିଥିନ ବ୍ୟାଗ୍ ଓ ଅନ୍ୟାନ୍ୟ ସାମଗ୍ରୀ ଜବତ କରାଯାଇଛି ।
