ଖୋର୍ଦ୍ଧା ଅଫିସ,୧୫।୧: ଜଣେ ଅଭିଯୁକ୍ତଙ୍କ ମା’ଙ୍କୁ ଲାଞ୍ଚ ମାଗି ଫସିଛନ୍ତି ବେଗୁନିଆ ଥାନା ଏସ୍ଆଇ ସୁଜାତା ପଲେଇ। ଏହାର ଏକ ଅଡିଓ ଭାଇରାଲ ହେବା ପରେ ଖୋର୍ଦ୍ଧା ଏସ୍ପି ବୁଧବାର ତାଙ୍କୁ କାର୍ଯ୍ୟରୁ ନିଲମ୍ବିତ କରିଛନ୍ତି।
ସୂଚନାନୁଯାୟୀ, ଉକ୍ତ ଥାନା ଅନ୍ତର୍ଗତ ଦକ୍ଷିଣପରୀକ୍ଷିତ ଗ୍ରାମରେ କିଛି ଦିନ ତଳେ ଦୁଇଜଣ ଯୁବକଙ୍କୁ ଗ୍ରାମବାସୀ ଖୁଣ୍ଟିରେ ବାନ୍ଧି ପିଟିଥିଲେ। ଏହି ଘଟଣାରେ ଏସ୍ଆଇ ଫୋନ ଯୋଗେ ମାମଲା ରଫାଦଫା କରିବା ପାଇଁ ଟେଲିଫୋନ ଯୋଗେ ଲାଞ୍ଚ ମାଗିଥିଲେ। ଏହାର ଏକ ଅଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ଖୋର୍ଦ୍ଧା ଏସ୍ପି ଘଟଣାର ତଦନ୍ତ କରି ଶେଷରେ ସମ୍ପୃକ୍ତ ପୋଲିସ ଅଧିକାରୀଙ୍କୁ ଚାକିରୀରୁ ନିଲମ୍ବିତ କରିଛନ୍ତି।
