ମହାରାଷ୍ଟ୍ରର ଔରଙ୍ଗାବାଦ ସହରରେ ଥିବା ଏକ ପରିବା ଦୋକାନ ଲୋକଙ୍କ ଦୃଷ୍ଟି ଆକର୍ଷଣ କରୁଛି। ଏଠାରେ ଥିବା ଏକ ପରିବା ଦୋନ ଆଗରେ ଏକ ବୋର୍ଡ ରଖାଯାଇଛି। ଯେଉଁଥିଲେ ଲେଖାଯାଇଛି, ଯଦି ସମ୍ଭବ କିଣନ୍ତୁ, ନଚେତ୍ ମାଗଣାରେ ନେଇଯାନ୍ତୁ। ଏହି ପରିବା ଦୋକାନଟିକୁ ଜଣେ ଯୁବକ ଚଲାଇଛନ୍ତି। ରାହୁଲ ଲାଓ୍ବଡେ ନାମକ ଏହି ଯୁବକଙ୍କ ଜଣଙ୍କ ସ୍ନାତକ ପାସ୍ କରି ଏକ ଘରୋଇ କମ୍ପାନୀରେ କାମ କରନ୍ତି। ଏବେ ଦେଶରେ ଲକ୍ଡାଉନ୍ ଯୋଗୁ ଆର୍ଥିକ ଅସୁବିଧାର ସମ୍ମୁଖୀନ ହେଉଥିବା ଲୋକଙ୍କୁ ସେ ପନିପରିବା ଯୋଗାଉଛନ୍ତି। ଲକ୍ଡାଉନ୍ ସମୟରେ କମ୍ପାନୀ ତାଙ୍କୁ ଦରମା ଦେବା ବନ୍ଦ କରିଦେବାରୁ ରାହୁଲ ରୋଜଗାର ପାଇଁ ପିତାଙ୍କ ସହ ପନିପରିବା ବିକ୍ରୟ କରିବାକୁ ନିଷ୍ପତ୍ତି ନେଇଥିଲେ। ପ୍ରାରମ୍ଭରେ ସେ ଅନ୍ୟ ପନିପରିବା ବିକ୍ରେତାଙ୍କ ପରି ବଜାର ମୂଲ୍ୟରେ ପନିପରିବା ବିକ୍ରି କରୁଥିଲେ କିନ୍ତୁ ପରେ ସେ ଗରିବ ଲୋକଙ୍କୁ ମାଗଣାରେ ପନିପରିବା ଦେବାକୁ ସ୍ଥିର କଲେ ବୋଲି ରାହୁଲ କହିଛନ୍ତି।
