କେନ୍ଦୁଝର, ୧୩ା୪ (ସ୍ବ.ପ୍ର.)-କରୋନା ମୁକାବିଲା ପାଇଁ ଚାଲିଛି ସହର ଠାରୁ ଗ୍ରାମ ପର୍ଯ୍ୟନ୍ତ ବିଶୋଧନ। ସମସ୍ତ ପବ୍ଲିକ ଯାତାୟାତ ଅଫିସ, ସ୍ଥାନ ଆଦିକୁ ବିଶୋଧନ କରାଯାଇଛି। କରୋନା ପାଇଁ ଲକ୍ ଡାଉନ ଘୋଷଣା ହୋଇଥିଲେ ହେଁ କାରଖାନା ଗୁଡିକ ବାଦ କରାଯାଇଛି। ତେବେ କାରଖାନାରେ କରୋନା ସଂକ୍ରମଣ ରୋକିବା ପାଇଁ ବିଶୋଧନ କରାଯାଉଛି। ବାଂଶପାଳ ବ୍ଲକ ଅଁରା ଗ୍ରାମରେ ଥିବା ଶ୍ରୀ ମେଟାଲିକ୍ସ କାରଖାନାରେ ଶ୍ରମିକ ମାନଙ୍କ ସୁରକ୍ଷା ପାଇଁ ମାସ୍କ ପ୍ରଦାନ ଓ କାର୍ଯ୍ୟସ୍ଥଳୀରେ ସାମଜିକ ଦୂରତ୍ୱ ରକ୍ଷା ଆଦି ବ୍ୟବସ୍ଥା କରାଯାଇଥିବା ବେଳେ ସୋମବାର କାରଖାନା ପରିସରକୁ ବିଶୋଧନ କରାଯାଇଛି। କାରଖାନାର ବରିଷ୍ଠ ପରିଚାଳକ ସରୋଜ କୁମାର ବିଶ୍ୱାଳଙ୍କ ନେତୃତ୍ୱରେ ଏହି କାର୍ଯ୍ୟ ଚାଲିଛି। ଆଖପାଖ ଅଞ୍ଚଳ ଗୁଡିକୁ ବିଶୋଧନ କରିବା ପାଇଁ ପଦକ୍ଷେପ ନିଆଯିବ ବୋଲି ସେ ସୂଚନା ଦେଇଛନ୍ତି।
