ବ୍ରହ୍ମଗିରି, ୧୯।୫(ଡି.ଏନ୍.ଏ) : ପୁରୀ ଜିଲା ବ୍ରହ୍ମଗିରି ବ୍ଲକ ଅନ୍ତର୍ଗତ ଗୋରୁଆଳସ୍ଥିତ ଏକ ସଂଗରୋଧ କେନ୍ଦ୍ରରେ ସୋମବାର ବିଳମ୍ବତ ରାତିରେ ଜଣେ ନାବାଳିକାକୁ ଅସଦାଚରଣ ହୋଇଥିବା ଅଭିଯୋଗ ହୋଇଛି।
ମିଳିଥିବା ସୂଚନା ଅନୁଯାୟୀ, ଗୋରୁଆଳସ୍ଥିତ ପୁଲକେଶ୍ବରୀ ନୋଡାଲ ଉଚ୍ଚ ବିଦ୍ୟାଳୟରେ ହୋଇଥିବା ସଂଗରୋଧ କେନ୍ଦ୍ରରେ ସୋମବାର ଗୁଜୁରାଟ ଓ ଅହମ୍ମଦାବାଦରୁ ୧୫ ଜଣ ପ୍ରବାସୀ ଶ୍ରମିକ ଆସି ରହିଛନ୍ତି। ସେମାନଙ୍କ ମଧ୍ୟରେ ଜଣେ ନାବାଳିକା ମଧ୍ୟ ଅଛନ୍ତି। ତେବେ ସୋମବାର ରାତିରେ ନାବାଳିକା ଶୋଇଥିବା ସମୟରେ ଜଣେ ଯୁବକ ତାଙ୍କୁ ଅସଦାଚରଣ କରିଥିବା ନାବାଳିକା ତାଙ୍କ ଭାଇଙ୍କୁ ଫୋନ୍କରି ଜଣାଇବାପରେ କେନ୍ଦ୍ର ସୁପରଭାଇଜରଙ୍କ ନିକଟରେ ଅଭିଯୋଗ ହୋଇଥିଲା । ଏ ନେଇ ଘଟଣାସ୍ଥଳରେ ପୁରୀ ସଦର ପୋଲିସ ଓ ବ୍ରହ୍ମଗିରି ବିଡିଓ ଜ୍ୟୋତି ପ୍ରକାଶ ସେଠୀ ପହଞ୍ଚି ତଦନ୍ତ ଚଳାଇଛନ୍ତି ।
