ରୋମ, ୨୧ା୬ (ଏପି)-ଏକ ସଡ଼କ ଦୁର୍ଘଟଣାରେ ଗୁରୁତର ଭାବେ ଆହତ ହୋଇଛନ୍ତି ଇଟାଲିଆନ୍ ରେସ୍ କାର୍ ଚାମ୍ପିୟନରୁ ପାରାଅଲିମ୍ପିକ ସ୍ବର୍ଣ୍ଣ ବିଜେତା ହୋଇଥିବା ଆଲେକ୍ସ ଜାନାର୍ଡି। ସେ ନିଜ ହ୍ୟାଣ୍ଡ୍ବାଇକ୍ରେ ଯାଉଥିବାବେଳେ ଏକ ଟ୍ରକ୍ ସହିତ ତାଙ୍କର ମୁହଁାମୁହିଁ ଧକ୍କା ହୋଇଥିଲା। ଡକ୍ତରଖାନାରେ ସେ ବର୍ତ୍ତମାନ କୋମା ଅବସ୍ଥାରେ ଅଛନ୍ତି। ପାଖାପାଖି ୨୦ ବର୍ଷ ପୂର୍ବେ ଏକ ରେସ୍କାର୍ ଦୁର୍ଘଟଣାରେ ଜାନାର୍ଡି ତାଙ୍କର ଦୁଇ ଗୋଡ଼ ହରାଇଥିଲେ। ବର୍ତ୍ତମାନ ସେ ଭେଣ୍ଟିଲେଟରରେ ଅଛନ୍ତି। ତାଙ୍କର ରକ୍ତ ସଂଚାଳନ ଠିକ୍ ରହିଛି ତେବେ ସ୍ନାୟୁଜନିତ ସମସ୍ୟା ଗୁରୁତର ରହିଛି ବୋଲି ତାଙ୍କୁ ଚିକିତ୍ସା କରୁଥିବା ଡାକ୍ତର ଜ୍ୟୁସେପ୍ ଅଲିଭେରି କହିଛନ୍ତି।
