ପାଟଣା,୮ା୧୦( ସ୍ବ.ପ୍ର.): କେନ୍ଦୁଝର ଜିଲା ପାଟଣା ଥାନା ସାହାରପଡା ବ୍ଲକ ବଡ଼ବିଲ ପଞ୍ଚାୟତ ନିକଟ ପଡ଼ିଆରୁ ମଙ୍ଗଳବାର ବିଜେଡିର ଜନସମ୍ପର୍କ ପଦଯାତ୍ରା ଆରମ୍ଭ ହୋଇଛି। ବଡ଼ବିଲ ପଡ଼ିଆରେ ଆୟୋଜିତ ସାଧାରଣ ସଭାରେ ଜିଲା ଯୁବ ବିଜେଡି ସଭାପତି ସୌମ୍ୟଶଙ୍କର ଚକ୍ରଙ୍କ ସଂଯୋଜନାରେ ଦକ୍ଷତା ବିକାଶ ଓ ବୈଷୟିକ ବିଭାଗ ମନ୍ତ୍ରୀ ପ୍ରେମାନନ୍ଦ ନାଏକ, କେନ୍ଦୁଝର ଏମପି ଚନ୍ଦ୍ରାଣୀ ମୁର୍ମୁ, ପାଟଣା ବିଧାୟକ ଜଗନ୍ନାଥ ନାଏକ, ଜିଲା ବିଜେଡି ସଭାପତି ବିମ୍ବାଧର ବିଶ୍ୱାଳ,ରାଜ୍ୟ ବିଜେଡି ସମ୍ପାଦକ ଆଶିଷ ଚକ୍ରବର୍ତ୍ତୀ, ଜିଲାପରିଷଦ ଅଧ୍ୟକ୍ଷା କମଳିନୀ ପାତ୍ର ପ୍ରମୁଖ ଅତିଥି ଭାବେ ଯୋଗଦେଇଥିଲେ। ଅନ୍ୟମାନଙ୍କ ମଧ୍ୟରେ ଜିଲା ବିଜେଡି କୃଷକ ସେଲ ସଭାପତି ଦୀପକ ରାଜ, ପାଟଣା ବ୍ଲକ ବିଜେଡି ସଭାପତି ମାଧବାନନ୍ଦ ପୃଷ୍ଟି, ସାହାରପଡା ବ୍ଲକ ବିଜେଡି ସଭାପତି ଗୋବିନ୍ଦ ମହାନ୍ତ, କୃଷ୍ଣଚନ୍ଦ୍ର ମହାପାତ୍ର, ପାଟଣା ବ୍ଲକ ଅଧ୍ୟକ୍ଷା ଲକ୍ଷ୍ମୀପ୍ରିୟା ବେହେରା, ଯୁବନେତା କରୁଣା ସାଗର ଖାଟୁଆ, ମିତ୍ରଭାନୁ ମହାନ୍ତ,ପ୍ରଶାନ୍ତ କୁମାର ଭଞ୍ଜ , ନାରୀ ନେତ୍ରୀ ଭାମାମଣି ଦାସ ପ୍ରମୁଖଙ୍କ ନେତୃତ୍ୱରେ ମଙ୍ଗଳବାର ପାଟଣା ନିର୍ବାଚନ ମଣ୍ଡଳୀ ସାହାରପଡା ବ୍ଲକର ବଡ଼ବିଲ, ଟେଣ୍ଡେରା, ଖଡିକା ପଦା, କୁଣ୍ଡଳା ଓ ଡାଳପକା ଆଦି ପଞ୍ଚାୟତକୁ ପଦଯାତ୍ରାରେ ପରିକ୍ରମା କରିବା ସହ ନୂତନ ସଭ୍ୟ ସଂଗ୍ରହ କରିଥିଲେ। ଏହି ଅବସରରେ ପାଟଣା ବ୍ଲକ ଟାଙ୍ଗରପଡାରେ ଏକ କଲ୍ୟାଣ ମଣ୍ଡପ ଓ ବଡ଼ବିଲରେ ଏକ କମ୍ୟୁନିଟି ସେଣ୍ଟରକୁ ଅତିଥିମାନେ ଉଦଘାଟନ କରିଥିଲେ।
