ନୂଆଦିଲ୍ଲୀ,୨୧।୧୨: ନାଗରିକତ୍ୱ ସଂଶୋଧନ ଆଇନ(ସିଏଏ) ନିଆଁରେ ସାରା ଦେଶ ଏକ ପ୍ରକାର ଜଳୁଛି କହିଲେ ଚଳେ। ପାଖାପାଖି ୩ ଦିନ ହେବ ସାରା ଦେଶରେ ସିଏଏକୁ ନେଇ ଯେଉଁଭଳି ବିକ୍ଷୋଭ ପ୍ରଦର୍ଶନ କରାଯାଉଛି ତାହା ବେଳେକୁ ବେଳ ଉଗ୍ର ରୂପ ନେଲାଣି। ଏବେ ସୁଦ୍ଧା ଏଥିରେ କେବଳ ଉତ୍ତର ପ୍ରଦେଶରେ ୧୦ରୁ ଊର୍ଦ୍ଧ୍ୱ ଲୋକଙ୍କ ମୃତ୍ୟୁ ହୋଇଥିବା କୁହାଯାଉଥିବା ବେଳେ ହଜାର ହଜାର ଲୋକଙ୍କ ନାଁରେ ମାମଲା କଲାଣି ପୋଲିସ। ଏହି ବିକ୍ଷୋଭ ପ୍ରଦର୍ଶନକାରୀ ବିଭିନ୍ନ ସ୍ଥାନରେ ଗାଡ଼ି ମୋଟର ପୋଡି ଦେବା ସହ ପୋଲିସ ଉପରକୁ ପଥରମାଡ଼ କରିଥିବା ଖବର ମଧ୍ୟ ଆସିଛି। ଏଥିଯୋଗୁ ଏବେ ରେଲଓ୍ବେ ପ୍ରାୟ ୮୮କୋଟିରୁ ଊର୍ଦ୍ଧ୍ୱ ଟଙ୍କା କ୍ଷତି କରିଥିବା କୁହାଯାଇଛି। ଆନୁମାନିକ ଭାବେ ଇଷ୍ଟର୍ଣ୍ଣ ରେଲଓ୍ବେରେ ୭୭ କୋଟି ଟଙ୍କାର ସମ୍ପତି ନଷ୍ଟ ହୋଇଥିବା ବେଳେ ସାଉଥ୍ ଇଷ୍ଟର୍ଣ୍ଣ ରେଲଓ୍ବେର ୧୩କୋଟି ଓ ନର୍ଥଇଷ୍ଟ ଫ୍ରଣ୍ଟିୟର ଜୋନ୍ରେ ୩ କୋଟି ଟଙ୍କା କ୍ଷତି ହୋଇଥିବା କୁହାଯାଉଛି।
