ମୁମ୍ବାଇ: ସୁଶାନ୍ତଙ୍କ ସହ ବ୍ରେକ୍ଅପ୍ ହେବା ପରେ ଏବେ ଅଙ୍କିତା ଲୋଖଣ୍ଡେ ପୁଣି ଥରେ ପଡ଼ିଛନ୍ତି ପ୍ରେମରେ। ବ୍ୟବସାୟୀ ବିକ୍କି ଜୈନ୍ଙ୍କୁ ସେ ଡେଟ୍ କରୁଛନ୍ତି। ପୂର୍ବରୁ ଏ ନେଇ ଚର୍ଚ୍ଚା ହେଉଥିଲେ ହେଁ ଏବେ କଥାଟି ପୁରା ସତ ବୋଲି ଜଣାପଡ଼ିଛି। କଥା ଏତେ ଆଗକୁ ବଢ଼ିଲାଣି ଯେ ଖୁବ୍ଶୀଘ୍ର ଅଙ୍କିତା ବିବାହକୁ ନେଇ ଘୋଷଣା ମଧ୍ୟ କରିପାରନ୍ତି।
ବିକ୍କିଙ୍କ ସହ କିଛି ଖାସ୍ ମୂହୁର୍ତ୍ତର ଫଟୋ ଅଙ୍କିତା ସୋସିଆଲ ମିଡିଆରେ ଛାଡିଛନ୍ତି। କିଛି ଫଟୋରେ ଅଙ୍କିତାଙ୍କୁ ବିକ୍କି ପ୍ରପୋଜ୍ କରୁଥିବା ଦେଖାଯାଇଛି। ଶେୟାର କରିବା ସମୟରେ ଅଙ୍କିତା ଏ ବିଷୟରେ ଭାବିବେ ବୋଲି ଲେଖିଛନ୍ତି। ଏଣୁ ଉଭୟଙ୍କ ବିବାହ ନେଇ ପ୍ରଶଂସକଙ୍କୁ ଖୁସି ଖବର ମିଳିପାରେ ବୋଲି ଚର୍ଚ୍ଚା ହେବାରେ ଲାଗିଛି। ଉଭୟ ବମ୍ବେରେ ଘର କିଣିସାରିଥିବା ବେଳେ ଅଗଷ୍ଟରେ ବିବାହ କରିବେ ବୋଲି ଶୁଣିବାକୁ ମିଳୁଛି। ତେବେ କଥାଟି କେତେ ସତ କେତେ ମିଛ ତାହା ଆଗାମୀ ଦିନରେ ଜଣାପଡ଼ିବ।
