ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଖବର ପରିବାର ତଥା ପ୍ରଶଂସକଙ୍କୁ ସ୍ତବ୍ଧ କରିଦେଇଛି। ତାଙ୍କ ମୃତ୍ୟୁକୁ ଇତିମଧ୍ୟରେ ୫ ଦିନ ବିତିଯାଇଥିଲେ ମଧ୍ୟ ଏହାକୁ କେହି ସହଜରେ ବିଶ୍ୱାସ କରିପାରୁ ନାହାନ୍ତି। ବଲିଉଡ୍ କଳାକାରଙ୍କଠାରୁ ଆରମ୍ଭକରି ରାଜନେତା ପର୍ଯ୍ୟନ୍ତ ସମସ୍ତେ ସୋସିଆଲ ମିଡିଆରେ ତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି। ଏହି ସମୟରେ ସୁଶାନ୍ତଙ୍କ ପରି ଅବିକଳ ଦେଖାଯାଉଥିବା ଜଣେ ଯୁବକଙ୍କ ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି। ଯୁବକ ଜଣଙ୍କ ହେଲେ ସାକି ପଡୟା। ସାକିଙ୍କ ମୁହଁ ଦେଖିବାକୁ ଅବିକଳ ସୁଶାନ୍ତଙ୍କ ପରି। ସାକି ଟିକ୍ଟକ୍ରେ ସୁଶାନ୍ତଙ୍କୁ ଶ୍ରଦ୍ଧାଞ୍ଜଳି ଦେଇ ଏହି ଭିଡିଓ ଶେୟାର କରିଛନ୍ତି। ଭିଡିଓରେ ସେ ସୁଶାନ୍ତଙ୍କ ପରି ଚାଲୁଥିବା ମଧ୍ୟ ଦେଖିବାକୁ ମିଳୁଛି। ଏହାକୁ ସେ ଶେୟାରକରି ଲେଖିଛନ୍ତି, ମୋର ଆଦର୍ଶ, ତୁମ ଆତ୍ମାକୁ ଶାନ୍ତିମିଳୁ। ଭଡିଓ ଦେଖି ଲୋକେ ତାଙ୍କୁ ବଲିଉଡ୍ରେ ପ୍ରବେଶ ପାଇଁ କହୁଛନ୍ତି। ଏହି ଭିଡିଓକୁ ଖୁବ୍ କମ୍ ସମୟରେ ୭୦ ଲକ୍ଷରୁ ଅଧିକ ଲୋକ ଦେଖିସାରିଛନ୍ତି।
