ନୂଆଦିଲ୍ଲୀ, ୧୪।୮: ଜମ୍ମୁ କଶ୍ମୀରରୁ ଧାରା ୩୭୦ ହଟେଇ ଦିଆଯିବା ପରେ ବିଚଳିତ ହୋଇପଡିଛି ପାକିସ୍ତାନ। ବୁଧବାର ପାକିସ୍ତାନ ସ୍ବାଧୀନତା ଦିବସ ଅବସରରେ ଅଟ୍ଟାରୀ-ଓ୍ବାଘା ବର୍ଡରରେ କୌଣସି ମିଠା ଦିଆନିଆ ହୋଇନାହିଁ। ଗତ ଇଦ-ଉଲ-ଜୁହା ଅବସରରେ ଅଟ୍ଟାରି ୱାଘା ସୀମାରେ ଭାରତ ପାକିସ୍ତାନ ସେନାକୁ ମିଠା ପ୍ୟାକେଟ ଦେଇଥିଲା। କିନ୍ତୁ ପାକିସ୍ତାନ ମିଠା ନେବାକୁ ମନା କରିଦେଇଥିଲା। ପୂର୍ବରୁ ଦୁଇ ଦେଶ ମଧ୍ୟରେ ବଡ଼ ପର୍ବ ଗୁଡ଼ିକରେ ମିଠା ଦିଆ ନିଆ ହେଉଥିଲା। ଦିପାବଳୀ, ଇଦ ଓ ହୋଲି ଅବସରରେ ଭାରତ ଓ ପାକିସ୍ତାନ ସେନା ପରସ୍ପରଙ୍କ ମଧ୍ୟରେ ମିଠା ଦିଆନିଆ କରୁଥିଲେ। ସୂନଚାଯୋଗ୍ୟ, ଜମ୍ମୁ-କଶ୍ମୀରରୁ ୩୭୦ ହଟାଯିବା ପରେ ଭାରତ ସହ ସମସ୍ତ ସମ୍ପର୍କ ଛିନ୍ନ କରିଛି ପାକିସ୍ତାନ।
