ଭବାନୀପାଟଣା, ୨୫।୨(ଡି.ଏନ୍.ଏ.): କଳାହାଣ୍ଡି ଜିଲା ଭବାନୀପାଟଣା ଅଦାଲତ ଜିଲା ଓ ଦୌରାଜଜ୍ ପ୍ରଦୀପ କୁମାର ପଟ୍ଟନାୟକ ମଙ୍ଗଳବାର ଏକ ହତ୍ୟା ମାମଲା କେସ୍ ନଂ. ୫୧/୨୦୧୫ର ଶୁଣାଣି କରିଛନ୍ତି। କେସିଙ୍ଗା ଥାନା ଅନ୍ତର୍ଗତ ଡେମେରମୁଣ୍ଡା ଗ୍ରାମର ଅଭିଯୁକ୍ତ ଶିଶୁପାଲ ମାଝିଙ୍କୁ ଆଜୀବନ କାରାଦଣ୍ଡ ସହ ୫ ହଜାର ଟଙ୍କା ଜରିମାନା କରିଛନ୍ତି। ଜରିମାନା ଅନାଦେୟ ହେଲେ ଅତିରିକ୍ତ ୧ ମାସ ଜେଲ ଦଣ୍ଡ ଭୋଗିବାକୁ ପଡ଼ିବ। ଏହି କେସ୍ରେ ଅନ୍ୟ ୨ ଅଭିଯୁକ୍ତ ମୁଦାଲା କିଆବନ ମାଝି ଓ ଗୋବର୍ଦ୍ଧନ ମାଝିଙ୍କୁ ପ୍ରମାଣ ଅଭାବରୁ ଛାଡିଦିଆଯାଇଛି।
ପ୍ରକାଶ ଯେ, ୨୦୧୫ ମସିହାରେ ମୁଦାଲାମାନେ କିକିଆ ଗ୍ରାମର ଦୈତାରୀ ମାଝିଙ୍କୁ ମରଣାନ୍ତକ ଆକ୍ରମଣ କରିଥିଲେ। ଶିଶୁପାଲଙ୍କ ଛୁରାମାଡ଼ରେ ଦୈତାରୀ ମୃତ୍ୟୁବରଣ କରିଥିଲେ। ଏ ନେଇ କେସିଙ୍ଗା ଥାନାରେ କେସ୍ ନଂ. ୮୨/୨୦୧୫ରେ ଏକ ମାମଲା ରୁଜୁ ହୋଇଥିଲା। ଏହି ମାମଲାରେ ସରକାରଙ୍କ ପକ୍ଷରୁ ପବ୍ଲିକ ପ୍ରସ୍ୟୁକୁଟର ନିଦର୍ଶନି ରଥ ମାମଲା ପରଚାଳନା କରିଥିଲେ।
