ଭୋପାଳ,୨୬।୬: ଜୁନ୍ ୨୬ରେ ଅନ୍ତର୍ଜାତୀୟ ନିଶା ମୁକ୍ତି ଦିବସ ପାଳିତ ହୋଇଥାଏ। ଭାରତରେ ନିଶାରୁ ମୁକ୍ତି ପାଇଁ ବିଭିନ୍ନ ହସ୍ପିଟାଲ ରହିଛି। ତେବେ ମଧ୍ୟପ୍ରଦେଶ ପିଙ୍ଗ୍ଲେଶ୍ୱରଠାରେ ଥିବା ବାବା ଜୟ ଗୁରୁଦେବ ଆଶ୍ରମରେ ନିଶାମୁକ୍ତି ଲାଗି ସମ୍ପୃକ୍ତ ବ୍ୟକ୍ତିଙ୍କଠାରୁ କୌଣସି ଫିସ୍ ଗ୍ରହଣ କରାଯାଇ ନ ଥାଏ। ବଂର ଭବିଷ୍ୟତରେ ଏପରି ନ କରିବାକୁ ଶପଥ ନିଆଯାଇଥାଏ। ଏଠାରେ ନିଶାମୁକ୍ତି ପାଇଁ ଆସୁଥିବା ଲୋକଙ୍କ ଚିକିତ୍ସା ମାଗଣାରେ କରାଯାଇଥାଏ। ସନ୍ଥ ଉମାକାନ୍ତ ଜୀ ମହାରାଜଙ୍କ ପ୍ରେରଣାରେ ଏଠାରେ ହୋମିଓପ୍ୟାଥି, ଆୟୁର୍ବେଦ ଏବଂ ଆକ୍ୟୁପ୍ରେସର ପଦ୍ଧତିରେ ଚିକିତ୍ସା କରାଯାଉଛି। ହସ୍ପିଟାଲର ୧୦ଟି ଓ୍ବାର୍ଡରେ ଶହେରୁ ଅଧିକ ଶଯ୍ୟା ରହିଛି। ପ୍ରତିଦିନ ହସ୍ପିଟାଲକୁ ୫ଶହରୁ ଅଧିକ ରୋଗୀ ମାଗଣା ଚିକିତ୍ସା ସେବା ଲାଗି ଆସୁଥିବା ସଞ୍ଚାଳକ ମୃତ୍ୟୁଞ୍ଜୟ ଶାହ ସୂଚନା ଦେଇଛନ୍ତି।
