ପୁଣେ, ୨୧।୭: ମହାରାଷ୍ଟ୍ର କଲ୍ୟାଣ ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି। ଜଣେ ବ୍ୟକ୍ତି ହାତକାଟି ନିଜ ପ୍ରେମିକାଙ୍କ ମୁଣ୍ଡରେ ରକ୍ତସିନ୍ଦୁର ଲଗାଇ ସେଲ୍ଫି ନେବା ପରେ ତାଙ୍କୁ ହତ୍ୟା କରିଛନ୍ତି। ପରେ ପ୍ରେମିକ ଜଣଙ୍କ ନିଜେ ଆତ୍ମହତ୍ୟା କରିଛନ୍ତି। ମହାରାଷ୍ଟ୍ରର ନୀଲମ ଗେଷ୍ଟହାଉସ୍ରେ ଏଭଳି ଘଟଣା ଘଟିଛି। ପୋଲିସ ଘଟଣାସ୍ଥଳରୁ ବ୍ଲେଡ୍ ସହ ମୃତଦେହ ଜବତ କରିଛି। ସୂଚନାଯୋଗ୍ୟ, ୨୧ ବର୍ଷୀୟ ଅରୁଣ କୁମାର ଗୁପ୍ତା ପ୍ରେମିକା ପ୍ରତିମା ପ୍ରସାଦଙ୍କୁ ହତ୍ୟା କରିବା ପୂର୍ବରୁ ସେଲ୍ଫି ଉଠାଇଥିଲେ। ପୋଲିସ କହିବା ଅନୁଯାୟୀ, ଅରୁଣ ଉତ୍ତର ପ୍ରଦେଶର ଆଜମଗଡରେ ରୁହନ୍ତି। ଯୁକ୍ତ ଦୁଇ ପଢା ଶେଷ ପରେ ପିତାଙ୍କ ବ୍ୟବସାୟ ସମ୍ଭାଳି ଥିଲେ। ପ୍ରତିମା ବ୍ୟାଙ୍କ୍ରେ କାମ କରୁଥିଲେ। ଉଭୟ ଏକ ବର୍ଷ ପୂର୍ବେ ଫେସବୁକରେ ପରସ୍ପରକୁ ଭେଟିଥିଲେ। ଘଟଣାଦିନ ବାରାଣାସୀ କହି ମହାରାଷ୍ଟ୍ର ଆସିଥିଲେ ଅରୁଣ। ପରେ ହୋଟେଲରୁ ଉଭୟଙ୍କ ମୃତଦେହ ମିଳିଥିଲା।
